suraj jaga

TūTīñ zulm kī qaideñ TūTīñ

phūTīñ amn kī kirneñ phūTīñ

lūTīñ dil ne ḳhushiyāñ lūTīñ

taare so.e sūraj jaagā

bhāgā ghor añdherā bhāgā

saḳht ghaḌī jo thī biit ga.ī hai

haarī baazī jiit ga.ī hai

ḳhaak meñ ġham kī riit ga.ī hai

taare so.e sūraj jaagā

bhāgā ghor añdherā bhāgā

aa.e ḳhushī ke din yuuñ vatan meñ

phūloñ kī rut jaise chaman meñ

sotī umangeñ jāgīñ man meñ

taare so.e sūraj jaagā

bhāgā ghor añdherā bhāgā

gahrī niiñd se jaagī duniyā

jaagī gangā jaagī jamunā

dhartī par lahrāyā pharerā

taare so.e sūraj jaagā

bhāgā ghor añdherā bhāgā

jaage girjā masjid mandir

khet chaman mill maktab daftar

raushan haiñ sab chhoTe baḌe ghar

taare so.e sūraj jaagā

bhāgā ghor añdherā bhāgā

bichhḌe sāthī milne lage haiñ

chaak jigar ke silne lage haiñ

dil ke ġhunche khilne lage haiñ

taare so.e sūraj jaagā

bhāgā ghor añdherā bhāgā

TuTin zulm ki qaiden TuTin

phuTin amn ki kirnen phuTin

luTin dil ne KHushiyan luTin

tare soe suraj jaga

bhaga ghor andhera bhaga

saKHt ghaDi jo thi bit gai hai

haari bazi jit gai hai

KHak mein gham ki rit gai hai

tare soe suraj jaga

bhaga ghor andhera bhaga

aae KHushi ke din yun watan mein

phulon ki rut jaise chaman mein

soti umangen jagin man mein

tare soe suraj jaga

bhaga ghor andhera bhaga

gahri nind se jagi duniya

jagi ganga jagi jamuna

dharti par lahraya pharera

tare soe suraj jaga

bhaga ghor andhera bhaga

jage girja masjid mandir

khet chaman mill maktab daftar

raushan hain sab chhoTe baDe ghar

tare soe suraj jaga

bhaga ghor andhera bhaga

bichhDe sathi milne lage hain

chaak jigar ke silne lage hain

dil ke ghunche khilne lage hain

tare soe suraj jaga

bhaga ghor andhera bhaga