suraj ka shahr

Shahab Jafri

suraj ka shahr

Shahab Jafri

MORE BY Shahab Jafri

    INTERESTING FACT

    Gariib-e-shahr ki Diary se

    ''nahīñ ye sūraj ke shahr aadmī nahīñ hai

    ki ye to marne ke ba.ad fōtpath par paḌā hai

    ye laash ham sab tarah sūraj ke saath gardish meñ kyuuñ nahīñ hai?

    paḌho to is Diary meñ kyā hai?''

    nuche-khuche ik varaq pe kuchh yuuñ likhā huā thā

    ''maiñ apnī duniya-e-fikr-o-fan taj ke aaj ban-bās meñ paḌā huuñ

    zarūratoñ meñ ghirā huā huuñ

    yahāñ to do aur do hāsil hamesha chaar haath aayā

    ki pāñch nā-mumkināt meñ hai

    aziim fankār qalam ho ki kār-ḳhāne

    kisī ko taḳhlīq-e-husn aarzū nahīñ hai

    muqaddas aag un ke dil yuuñ peT ke jahannam meñ jal rahī hai

    ki zindagī jo quvvateñ haiñ vo ḳhud ko zinda rakhne meñ sarf ho rahī haiñ

    machine tarah zehn bhī kaam kar rahe haiñ

    ragoñ meñ jiite lahū ke badle raqīq lohā bharā huā hai

    machine tarah paañv chalte haiñ

    aadmī jalāl gardish meñ sar-nigūñ hai

    irāda va iḳhtiyār ik iztirāb-e-sañgīñ hai jis se bach kar

    koī nahīñ do ghaḌī kisī se jo be-ġharaz ruk ke baat kar le

    (kise ḳhabar, aadmī ke do mīThe bol ko maiñ taras gayā hūñ)''

    yahāñ ye tahrīr āñsuoñ se miTī huī thī aur is se aage

    ''ye shahr sūraj shahr hai is ke roz-o-shab pata nahīñ hai

    na aaj tak vaqt aur tārīḳh mujhe ilm ho sakā hai

    ki mere ehsās meñ koī aaj hai na kal

    aur ye raat hai siyāh sūraj?

    ġhurūb ho kar bhī āsmān o zamīñ se paiham guzar rahā hai

    bas is jahāñ meñ siyāh o raushan hamesha din hai

    hamesha sūraj apne sar par khaḌā huā hai

    ye kā.enāt ik shikasta gaaḌī hai ek pahiye pe chal rahī hai

    zamīn chāñd kyā ḳhabar kis añdhere pātāl meñ girā ho

    har ek shai bhāgtī huī ek dūsre talāsh meñ gum

    bas ek tasādum

    har ek shaḳhs ek dauḌtī laash hai ki ik dūsre se vahshat-zada, gurezāñ

    sab apnā sūraj se muñh chhupā.e talāsh meñ vaqt hirāsāñ

    kisī ko itnī bhī shaam miltī nahīñ ki thoḌā udaas ho leñ''

    yahāñ pe jumle ajiib se the lahū ke dhabboñ se miT ga.e the

    nahin ye suraj ke shahr ka aadmi nahin hai

    ki ye to marne ke baad footpath par paDa hai

    ye lash hum sab ki tarah suraj ke sath gardish mein kyun nahin hai?

    paDho to is Diary mein kya hai?

    nuche-khuche ek waraq pe kuchh yun likha hua tha

    main apni duniya-e-fikr-o-fan taj ke aaj ban-bas mein paDa hun

    zaruraton mein ghira hua hun

    yahan to do aur do ka hasil hamesha hi chaar hath aaya

    ki panch na-mumkinat mein hai

    azim fankar ka qalam ho ki kar-KHane

    kisi ko taKHliq-e-husn ki aarzu nahin hai

    muqaddas aag un ke dil ki yun peT ke jahannam mein jal rahi hai

    ki zindagi ki jo quwwaten hain wo KHud ko zinda hi rakhne mein sarf ho rahi hain

    machine ki tarah zehn bhi kaam kar rahe hain

    ragon mein jite lahu ke badle raqiq loha bhara hua hai

    machine ki tarah panw chalte hain

    aadmi ka jalal gardish mein sar-nigun hai

    irada wa iKHtiyar ek iztirab-e-sangin hai jis se bach kar

    koi nahin do ghaDi kisi se jo be-gharaz ruk ke baat kar le

    (kise KHabar, aadmi ke do miThe bol ko main taras gaya hun)

    yahan ye tahrir aansuon se miTi hui thi aur is se aage

    ye shahr suraj ka shahr hai is ke roz-o-shab ka pata nahin hai

    na aaj tak waqt aur tariKH ka mujhe ilm ho saka hai

    ki mere ehsas mein koi aaj hai na kal

    aur ye raat hai ya siyah suraj?

    ghurub ho kar bhi aasman o zamin se paiham guzar raha hai

    bas is jahan mein siyah o raushan hamesha din hai

    hamesha suraj hi apne sar par khaDa hua hai

    ye kaenat ek shikasta gaDi hai ek pahiye pe chal rahi hai

    zamin ka chand kya KHabar kis andhere patal mein gira ho

    har ek shai bhagti hui ek dusre ki talash mein gum

    bas ek tasadum

    har ek shaKHs ek dauDti lash hai ki ek dusre se wahshat-zada, gurezan

    sab apna suraj se munh chhupae talash mein waqt ki hirasan

    kisi ko itni bhi sham milti nahin ki thoDa udas ho len

    yahan pe jumle ajib se the lahu ke dhabbon se miT gae the

    Source:

    • Book : aazaadii ke baad delhi men urdu nazm (Pg. 192)
    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY