ta’mir-e-zat

hamārī lāDlī nāzuk sī guḌiyā

bahut pyārī sī vo chhoTī sī chiḌiyā

suhāne giit gaatī hai

so saare ġham bhulātī hai

hamāre dil lubhātī hai

jise chhū kar ki jis ke lams ko pā kar

hamārī uñgliyāñ

sarsabz aur ḳhush bantī rahī haiñ

jise pā kar hayāt-e-be-navā apnī

kisī maqsad kī ab tafsīr hotī jā rahī hai

luTe ḳhvāboñ kī ab tā'bīr hotī jā rahī hai

vajūd-e-zāt meñ tā'mīr hotī jā rahī hai

hamari laDli nazuk si guDiya

bahut pyari si wo chhoTi si chiDiya

suhane git gati hai

so sare gham bhulati hai

hamare dil lubhati hai

jise chhu kar ki jis ke lams ko pa kar

hamari ungliyan

sarsabz aur KHush banti rahi hain

jise pa kar hayat-e-be-nawa apni

kisi maqsad ki ab tafsir hoti ja rahi hai

luTe KHwabon ki ab ta'bir hoti ja rahi hai

wajud-e-zat mein ta'mir hoti ja rahi hai