taaruf

in se miliye ye haiñ aslam gaamā ke ustād haiñ

daarā singh aur bholū ke bhī daao sab in ko yaad haiñ

maktab aur mohalle meñ ye har bachche se laḌte haiñ

jis se ḳhafagī ho jaatī hai us par ḳhuub bigaḌte haiñ

in se sab Darte haiñ jaise ye bijlī kā taar haiñ

in se sab bezār haiñ

in se miliye bhuul bhulakkaḌ log sab in ko kahte haiñ

aadat se majbūr bichāre kho.e kho.e rahte haiñ

paise saudā taḳhtī basta ye jo kuchh bhī paate haiñ

maktab meñ bāzār meñ yā raste meñ gum kar aate haiñ

lekin da.avā ye karte haiñ ham sab se hoshyār haiñ

in se sab bezār haiñ

in se miliye raam bharose jaise filmī hero haiñ

sālāna exam meñ in ke har parche meñ zero haiñ

lekin kitnī hī filmoñ kī inheñ kahānī yaad hai

is nagrī kā har qissa har baat zabānī yaad hai

raam bharose nahīñ ye filmī duniyā kā aḳhbār haiñ

in se sab bezār haiñ

in se miliye ye hain aslam gama ke ustad hain

dara singh aur bholu ke bhi dao sab in ko yaad hain

maktab aur mohalle mein ye har bachche se laDte hain

jis se KHafagi ho jati hai us par KHub bigaDte hain

in se sab Darte hain jaise ye bijli ka tar hain

in se sab bezar hain

in se miliye bhul bhulakkaD log sab in ko kahte hain

aadat se majbur bichaare khoe khoe rahte hain

paise sauda taKHti basta ye jo kuchh bhi pate hain

maktab mein bazar mein ya raste mein gum kar aate hain

lekin dawa ye karte hain hum sab se hoshyar hain

in se sab bezar hain

in se miliye ram bharose jaise filmi hero hain

salana exam mein in ke har parche mein zero hain

lekin kitni hi filmon ki inhen kahani yaad hai

is nagri ka har qissa har baat zabani yaad hai

ram bharose nahin ye filmi duniya ka aKHbar hain

in se sab bezar hain