tane

kal shab maiñ shahr-e-ishq se lauTā jo apne ghar

darvāze ta.ane kasne lagā mere haal par

bolā darīcha kaise akele idhar janāb

kyoñ aur kahāñ pe chhūT gayā ham-safar janāb

chup jo huā darīcha to gūñjī sadā-e-bām

ab kar sakoge saa.e tale mere tum qiyām

dīvār bolī karke muḳhātab tamām ko

muhtāj ho gayā hai bechāra kalām ko

ik ho ga.e darīcha-o-dīvār-o-bām-o-dar

maiñ chup hī thā ki bol paḌā saarā ghar kā ghar

paa.ī thī kā.enāt hī tum ne to pyaar meñ

kyoñ luT ke phir tum aa ga.e ho is hisār meñ

kal shab main shahr-e-ishq se lauTa jo apne ghar

darwaze tane kasne laga mere haal par

bola daricha kaise akele idhar janab

kyon aur kahan pe chhuT gaya ham-safar janab

chup jo hua daricha to gunji sada-e-baam

ab kar sakoge sae tale mere tum qiyam

diwar boli karke muKHatab tamam ko

muhtaj ho gaya hai bechaara kalam ko

ek ho gae daricha-o-diwar-o-baam-o-dar

main chup hi tha ki bol paDa sara ghar ka ghar

pai thi kaenat hi tum ne to pyar mein

kyon luT ke phir tum aa gae ho is hisar mein