tare aur tum

kuchh taare mil kar tumhārī tasvīr banāte haiñ āsmān meñ

tum un tāroñ se ek baar mil aao

roz vo tumhāre hoñTh ke nīche kā til banānā bhuul jaate haiñ

phir mujhe apne uñgliyoñ kī poroñ se vo til banānā paḌtā hai

vo til banāte banāte aksar maiñ mauqa dekh kar tumhārī zulf tumhāre daa.eñ kaan ke pīchhe kar detā huuñ

phir kisī chamakte taare se banātā huuñ tumhāre ek kaan kā jhumkā

dūsrā jhumkā maiñ almārī se lene jaatā huuñ tab tak taare tumhārī tasvīr miTā dete haiñ aur maiñ

bas tumhārā jhumkā pakḌe pakḌe raat ko sub.h se milvā detā huuñ

kuchh tare mil kar tumhaari taswir banate hain aasman mein

tum un taron se ek bar mil aao

roz wo tumhaare honTh ke niche ka til banana bhul jate hain

phir mujhe apne ungliyon ki poron se wo til banana paDta hai

wo til banate banate aksar main mauqa dekh kar tumhaari zulf tumhaare daen kan ke pichhe kar deta hun

phir kisi chamakte tare se banata hun tumhaare ek kan ka jhumka

dusra jhumka main almari se lene jata hun tab tak tare tumhaari taswir miTa dete hain aur main

bas tumhaara jhumka pakDe pakDe raat ko subh se milwa deta hun