tarik pahlu
mirī dastaras meñ sitāre bhī sūraj bhī aur kahkashāñ bhī
mirī dastaras meñ havā.eñ bhī tūfān bhī bijliyāñ bhī
mirī dastaras meñ samundar bhī sahrā bhī kohsār bhī gulsitāñ bhī
mirī dastaras meñ bahāreñ bhī mausam bhī qaus-e-quzah bhī
mirī dastaras meñ guloñ kī mahak bhī hai kaliyoñ kī ra.anā.iyāñ bhī
mirī dastaras meñ nam-ālūd hoñToñ kī doshīzgī bhī javāñ marmarīñ jism kī tishnagī bhī
mirī dastaras meñ tamannāoñ ke marhale bhī shab-e-vasl ke silsile bhī
mirī dastaras meñ azā.em bhī jur.at bhī īqān bhī hausle bhī
magar mujh sā mahrūm bhī koī hogā
har ik shai mirī dastaras meñ
magar mere hāthoñ meñ jumbish kī tāqat nahīñ hai
agar vo na chāhe
yahī mere insān hone kā tārīk pahlū hai shāyad
meri dastaras mein sitare bhi suraj bhi aur kahkashan bhi
meri dastaras mein hawaen bhi tufan bhi bijliyan bhi
meri dastaras mein samundar bhi sahra bhi kohsar bhi gulsitan bhi
meri dastaras mein bahaaren bhi mausam bhi qaus-e-quzah bhi
meri dastaras mein gulon ki mahak bhi hai kaliyon ki ranaiyan bhi
meri dastaras mein nam-alud honTon ki doshizgi bhi jawan marmarin jism ki tishnagi bhi
meri dastaras mein tamannaon ke marhale bhi shab-e-wasl ke silsile bhi
meri dastaras mein azaem bhi jurat bhi iqan bhi hausle bhi
magar mujh sa mahrum bhi koi hoga
har ek shai meri dastaras mein
magar mere hathon mein jumbish ki taqat nahin hai
agar wo na chahe
yahi mere insan hone ka tarik pahlu hai shayad
Source:
Lashareek (Pg. 54)
- Author: Izhar Asar
-
- Publisher: Izhar Asar
- Year of Publication: 1988
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
