tagore
jot ik bangāl se uTh kar jahāñ par chhā ga.ī
chāñdnī ban kar fazā meñ phuul se bikhrā ga.ī
dhuum thī jis kī jahāñ meñ har taraf ik shor thā
ek 'ālam jāntā hai vo koī tagore thā
ik sarāpā soz thā vo ek rangīñ saaz bhī
vo mujassam dard thā aur pyaar kī āvāz bhī
us ke gītoñ meñ chhupī thī do-jahāñ kī sarḳhushī
us ke naġhmoñ se chhalaktī thī sharāb-e-zindagī
ik musalsal josh thā vo ek bahr-e-bekarāñ
us kī peshānī ko jhuk kar chūmtā thā āsmāñ
jang-e-āzādī kā ik sachchā alam-bardār bhī
mard-e-kāmil thā vo goyā phuul bhī talvār bhī
us ke naġhmoñ se chhalaktī hai hayāt-e-jāvedāñ
us ke gītoñ meñ chhupī hai 'azmat-e-hindostāñ
vo musavvir thā magar ḳhud hind kī tasvīr bhī
ik sunahrā ḳhvāb thā aur ḳhvāb kī tā'bīr bhī
jot ek bangal se uTh kar jahan par chha gai
chandni ban kar faza mein phul se bikhra gai
dhum thi jis ki jahan mein har taraf ek shor tha
ek 'alam jaanta hai wo koi tagore tha
ek sarapa soz tha wo ek rangin saz bhi
wo mujassam dard tha aur pyar ki aawaz bhi
us ke giton mein chhupi thi do-jahan ki sarKHushi
us ke naghmon se chhalakti thi sharab-e-zindagi
ek musalsal josh tha wo ek bahr-e-bekaran
us ki peshani ko jhuk kar chumta tha aasman
jang-e-azadi ka ek sachcha alam-bardar bhi
mard-e-kaamil tha wo goya phul bhi talwar bhi
us ke naghmon se chhalakti hai hayat-e-jawedan
us ke giton mein chhupi hai 'azmat-e-hindostan
wo musawwir tha magar KHud hind ki taswir bhi
ek sunahra KHwab tha aur KHwab ki ta'bir bhi
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
