taKHliq

jahān-e-tāza kī afkār-e-tāza se hai numūd

ki sang-o-ḳhisht se hote nahīñ jahāñ paidā

ḳhudī meñ Dūbne vāloñ ke 'azm-o-himmat ne

is aabjū se kiye bahr-e-be-karāñ paidā

vahī zamāne kī gardish pe ġhālib aatā hai

jo har nafas se kare 'umr-e-jāvedāñ paidā

ḳhudī kī maut se mashriq kī sar-zamīnoñ meñ

huā na koī ḳhudā.ī kā rāz-dāñ paidā

havā-e-dasht se bū-e-rifāqat aatī hai

'ajab nahīñ hai ki hoñ mere ham-ināñ paidā

jahan-e-taza ki afkar-e-taza se hai numud

ki sang-o-KHisht se hote nahin jahan paida

KHudi mein Dubne walon ke 'azm-o-himmat ne

is aabju se kiye bahr-e-be-karan paida

wahi zamane ki gardish pe ghaalib aata hai

jo har nafas se kare 'umr-e-jawedan paida

KHudi ki maut se mashriq ki sar-zaminon mein

hua na koi KHudai ka raaz-dan paida

hawa-e-dasht se bu-e-rifaqat aati hai

'ajab nahin hai ki hon mere ham-inan paida