taKHliq

raat zulfoñ kī dil-āvez shamīm

sohbat-e-shauq ko garmāti rahī

shāhid-e-shoḳh kā paikar thā ḳhayāl

garm a.azā kā gudāz

lazzat-e-ġhamza-o-nāz

chhiḌ ga.e saaz ke taar

yuuñ machaltī thiiñ umañgeñ merī

jaise gardūñ pe sitāre chamkeñ

ḳhāliq-e-zīst ko ik sharm sī mahsūs huī

ik na.e karb-e-tamannā kā sahārā le kar

ḳhvāb-e-rāhat se uThā

aur āmāda-e-paikār huā

dasht-e-paikār meñ baḌhtā hī gayā

baḌh ke ik chashma-e-sīmīñ ne qadam chuum liye

nūr-e-sayyāl se mānūs fazā

dil-e-be-tāb ko raas aane lagī

jism āsūda huā

arsh par ek sitāra TuuTā

ik na.ī ziist kī taḳhlīq huī

raat zulfon ki dil-awez shamim

sohbat-e-shauq ko garmati rahi

shahid-e-shoKH ka paikar tha KHayal

garm aaza ka gudaz

lazzat-e-ghamza-o-naz

chhiD gae saz ke tar

yun machalti thin umangen meri

jaise gardun pe sitare chamken

KHaliq-e-zist ko ek sharm si mahsus hui

ek nae karb-e-tamanna ka sahaara le kar

KHwab-e-rahat se uTha

aur aamada-e-paikar hua

dasht-e-paikar mein baDhta hi gaya

baDh ke ek chashma-e-simin ne qadam chum liye

nur-e-sayyal se manus faza

dil-e-be-tab ko ras aane lagi

jism aasuda hua

arsh par ek sitara TuTa

ek nai zist ki taKHliq hui