talash

Jameeluddin Aali

talash

Jameeluddin Aali

MORE BY Jameeluddin Aali

    vo bachcha kahāñ hai

    jo kah de ki hazrat-salāmat

    ye sab log malbūs-e-shāhī iqrār karte raheñ

    mujh ko to aap nañge nazar aa rahe haiñ

    vo bachcha jo itnī purānī kahānī meñ zinda chalā aa rahā hai

    hamāre vatan meñ bhī hogā

    hamāre vatan meñ bhī hogā

    Darī aur sahmī magar phir bhī jaarī ye āvāz dil chīrtī hai

    hamāre vatan meñ bhī hogā

    hamāre vatan meñ bhī hogā

    maiñ darbāriyoñ meñ to kyā naukaroñ ke jilau meñ bahut duur baiThā

    libās-e-shāhī madah-ḳhvāñ to ab bhī nahīñ

    ishāroñ kināyoñ

    alāmāt se ḳhurāfāt se

    kuchh na kuchh nazm meñ kuchh na kuchh nasr meñ baḌbaḌātā rahā huuñ

    magar vaañ bhī yaañ ye afsāna sab ko sunātā rahā huuñ

    vo 'ġhālib' na ho aur 'jālib' rahe phir bhī aisā bachcha

    hamāre vatan meñ bhī hai

    aur rahegā

    wo bachcha kahan hai

    jo kah de ki hazrat-salamat

    ye sab log malbus-e-shahi ka iqrar karte rahen

    mujh ko to aap nange nazar aa rahe hain

    wo bachcha jo itni purani kahani mein zinda chala aa raha hai

    hamare watan mein bhi hoga

    hamare watan mein bhi hoga

    Dari aur sahmi magar phir bhi jari ye aawaz dil chirti hai

    hamare watan mein bhi hoga

    hamare watan mein bhi hoga

    main darbariyon mein to kya naukaron ke jilau mein bahut dur baiTha

    libas-e-shahi ka madah-KHwan to ab bhi nahin

    ishaaron kinayon

    alamat se ya KHurafat se

    kuchh na kuchh nazm mein kuchh na kuchh nasr mein baDbaData raha hun

    magar wan bhi yan ka ye afsana sab ko sunata raha hun

    wo 'ghaalib' na ho aur 'jalib' rahe phir bhi aisa hi bachcha

    hamare watan mein bhi hai

    aur rahega

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY