talash

masjid meñ aur mandir meñ

girja-ghar kī ḳhāmoshī se

hamd-o-sanā ke gītoñ tak

gurudvāre kī baiThak meñ

Dholak kī har thaap se le kar

laaT sāhab ke paaT talak

maulviyoñ ke va.az se le kar

panDit ke bhajan ke andar

sahrāoñ meñ

dariyāoñ meñ

is kone se us kone tak

kā.enāt ke har goshe meñ

farsh se le kar

arsh ke manzar-nāme tak

dīvār-e-girya se le kar

chashm-e-talab ke paar talak

aur ḳhalā se bhī us paar

jis ke liye maiñ sargardāñ thī

jis ko DhūñDā galī galī

chaman chaman aur kalī kalī

vo to merī shah-e-rag meñ thā

merā ḳhudā bas merā ḳhudā

masjid mein aur mandir mein

girja-ghar ki KHamoshi se

hamd-o-sana ke giton tak

gurudware ki baiThak mein

Dholak ki har thap se le kar

laT sahab ke paT talak

maulwiyon ke waz se le kar

panDit ke bhajan ke andar

sahraon mein

dariyaon mein

is kone se us kone tak

kaenat ke har goshe mein

farsh se le kar

arsh ke manzar-name tak

diwar-e-girya se le kar

chashm-e-talab ke par talak

aur KHala se bhi us par

jis ke liye main sargardan thi

jis ko DhunDa gali gali

chaman chaman aur kali kali

wo to meri shah-e-rag mein tha

mera KHuda bas mera KHuda