talash

na jaane kyuuñ ye lag rahā hai

jaise kho gayā hai kuchh

kabhī ye lag rahā hai

jaise ham ne pā liyā hai kuchh

vo kyā hai jo ki kho gayā

vo kyā thā jis ko pā liyā

ye baat mushtamil hai

ek arsa-e-qalēl par

qalandar ek rū-numā

huā thā ik sabīl par

vo pahle ilm-o-fan kī puurī

pyaas ko jagātā thā

savāl pūchhtā thā aur

tishnagī bujhātā thā

vo kahtā thā ki ḳhvāb dekho

jāgtī in āñkhoñ se

vo hārne ke qisse ko hī

paḌhtā thā paḌhātā thā

vo kahtā thā ki jiit ke ye vāqiye

payām hī to dete haiñ

magar shikast jaane kitne

rāstoñ ke kuchh

alag alag nishān detī hai

samundaroñ kī god meñ

vo khel kar javān huā

aur apne ilm-o-fan se vo

jahāñ par hī chhā gayā

har ek mulk jaane kab se

us kā muntazir rahā

magar vo hind kā supūt

hind meñ rahā kyā

vo apne mulk ke tamām

bachchoñ se ye kahtā thā

ki kaalā rañg daaġh

ho bhī saktā hai kasī jagah

magar ye rañg fann-e-justujō liye

charāġhāñ hai kasī jagah

na jaane aise kitne formule

vo jahāñ ko hai de gayā

vo ilm kā naqīb thā

vo jehl ki salīb thā

vo fahm kā rafīq thā

vo muḳhlis-o-shafēq thā

vo infirādiyat kā ek jaanā maanā naam thā

vo injizābiyat kā ek ḳhushnumā payām thā

magar vo shaḳhs aaj

ham ko chhoḌ kar chalā gayā

hai sāneha ye mulk ke liye

bahut baḌā magar

ġhalat na hogā ai 'shifā'

maiñ baat ye kahūñ agar

ki maiñ to gum hoñ bas

kisī ne is ek fikr meñ

kise talāsh kar ke lā.ūñ

ab maiñ apne mulk se

jise na apne ohde aur rutbe kā ġhurūr ho

jise na apne ilm kā hunar kā kuchh surūr ho

jo aa.e to ḳhazāna-e-ulūm le ke aa.e aur

jo jaa.e to muhabbat-e-awām le ke jaa.e bas

bhaTak rahā hai zehn-o-dil

talāsh-e-nā-guzīr ko

aur aañkh DhūñDhtī hai bas

ik aise be-nazīr ko

na jaane kyun ye lag raha hai

jaise kho gaya hai kuchh

kabhi ye lag raha hai

jaise hum ne pa liya hai kuchh

wo kya hai jo ki kho gaya

wo kya tha jis ko pa liya

ye baat mushtamil hai

ek arsa-e-qaleel par

qalandar ek ru-numa

hua tha ek sabil par

wo pahle ilm-o-fan ki puri

pyas ko jagata tha

sawal puchhta tha aur

tishnagi bujhata tha

wo kahta tha ki KHwab dekho

jagti in aankhon se

wo haarne ke qisse ko hi

paDhta tha paDhata tha

wo kahta tha ki jit ke ye waqiye

payam hi to dete hain

magar shikast jaane kitne

raston ke kuchh

alag alag nishan deti hai

samundaron ki god mein

wo khel kar jawan hua

aur apne ilm-o-fan se wo

jahan par hi chha gaya

har ek mulk jaane kab se

us ka muntazir raha

magar wo hind ka suput

hind mein raha kya

wo apne mulk ke tamam

bachchon se ye kahta tha

ki kala rang dagh

ho bhi sakta hai kasi jagah

magar ye rang fann-e-justujoo liye

charaghan hai kasi jagah

na jaane aise kitne formule

wo jahan ko hai de gaya

wo ilm ka naqib tha

wo jehl ki salib tha

wo fahm ka rafiq tha

wo muKHlis-o-shafeeq tha

wo infiradiyat ka ek jaana mana nam tha

wo injizabiyat ka ek KHushnuma payam tha

magar wo shaKHs aaj

hum ko chhoD kar chala gaya

hai saneha ye mulk ke liye

bahut baDa magar

ghalat na hoga ai 'shifa'

main baat ye kahun agar

ki main to gum hon bas

kisi ne is ek fikr mein

kise talash kar ke laun

ab main apne mulk se

jise na apne ohde aur rutbe ka ghurur ho

jise na apne ilm ka hunar ka kuchh surur ho

jo aae to KHazana-e-ulum le ke aae aur

jo jae to muhabbat-e-awam le ke jae bas

bhaTak raha hai zehn-o-dil

talash-e-na-guzir ko

aur aankh DhunDhti hai bas

ek aise be-nazir ko