talaba-e-ali-gaDh collage ke nam

auroñ kā hai payām aur merā payām aur hai

ishq ke dard-mañd kā tarz-e-kalām aur hai

tā.ir-e-zer-e-dām ke naale to san chuke ho tum

ye bhī suno ki nāla-e-tā.ir-e-bām aur hai

aatī thī koh se sadā rāz-e-hayāt hai sakūñ

kahtā thā mor nā-tavāñ lutf-e-ḳhirām aur hai

jazb-e-haram se hai faroġh anjuman hijāz kā

us kā maqām aur hai us kā nizām aur hai

maut hai aish-e-jāvedāñ zauq-e-talab agar na ho

gardish-e-ādmī hai aur gardish-e-jām aur hai

sham-e-sahar ye kah ga.ī soz hai zindagī kā saaz

ġham-kada-e-numūd meñ shart-e-davām aur hai

baada hai nīm-ras abhī shauq hai nā-rasā abhī

rahne do ḳhum ke sar pe tum ḳhisht-e-kalīsiyā abhī

auron ka hai payam aur mera payam aur hai

ishq ke dard-mand ka tarz-e-kalam aur hai

tair-e-zer-e-dam ke nale to san chuke ho tum

ye bhi suno ki nala-e-tair-e-baam aur hai

aati thi koh se sada raaz-e-hayat hai sakun

kahta tha mor na-tawan lutf-e-KHiram aur hai

jazb-e-haram se hai farogh anjuman hijaz ka

us ka maqam aur hai us ka nizam aur hai

maut hai aish-e-jawedan zauq-e-talab agar na ho

gardish-e-admi hai aur gardish-e-jam aur hai

sham-e-sahar ye kah gai soz hai zindagi ka saz

gham-kada-e-numud mein shart-e-dawam aur hai

baada hai nim-ras abhi shauq hai na-rasa abhi

rahne do KHum ke sar pe tum KHisht-e-kalisiya abhi