tamanna

detī hai be-ḳhudī shauq pe aa kar dastak

hone vaalī ko ye kahtī hai na ho duur bhaTak

jaane vaalī ko ye kahtī hai na jā aa mujh tak

aql aaḌe kabhī aatī hai to detī hai jhaTak

na miTā.e kabhī miTne kī tamannā merī

aaj to aaj rahegī pas-e-fardā merī

dushmanoñ par kabhī girtī hai ye ban kar bijlī

dostoñ par kabhī aatī hai ye ban kar chhatrī

gulshan-e-husn meñ uḌtī hai ye ban kar titlī

bhes meñ us ke mire paas kabhī hai aatī

ruup kyā kyā nahīñ bhartī hai tamannā merī

khel kyā kyā nahīñ kartī hai tamannā merī

kabhī aaqil kabhī kahtī hai ye nādān mujhe

chain detī kabhī kartī hai pareshān mujhe

guzrī bātoñ se banā detī hai anjān mujhe

ālam-e-jazb meñ rakhtī hai ye har aan mujhe

saaz ishrat ke bajātī hai tamannā merī

ḳhvāb fardā ke dikhātī hai tamannā miirī

deti hai be-KHudi shauq pe aa kar dastak

hone wali ko ye kahti hai na ho dur bhaTak

jaane wali ko ye kahti hai na ja aa mujh tak

aql aaDe kabhi aati hai to deti hai jhaTak

na miTae kabhi miTne ki tamanna meri

aaj to aaj rahegi pas-e-farda meri

dushmanon par kabhi girti hai ye ban kar bijli

doston par kabhi aati hai ye ban kar chhatri

gulshan-e-husn mein uDti hai ye ban kar titli

bhes mein us ke mere pas kabhi hai aati

rup kya kya nahin bharti hai tamanna meri

khel kya kya nahin karti hai tamanna meri

kabhi aaqil kabhi kahti hai ye nadan mujhe

chain deti kabhi karti hai pareshan mujhe

guzri baaton se bana deti hai anjaan mujhe

aalam-e-jazb mein rakhti hai ye har aan mujhe

saz ishrat ke bajati hai tamanna meri

KHwab farda ke dikhati hai tamanna meri