tanha

Mustafa Zaidi

tanha

Mustafa Zaidi

MORE BY Mustafa Zaidi

    maiñ vahī qatra-e-be-bahr vahī dasht-e-navard

    apne kāñdhoñ pe uThā.e hue sahrā tilism

    apne siine meñ chhupā.e hue sailāb dard

    TuuT kar rishta-e-tasbīh se aa niklā huuñ

    dil dhaḌkan meñ dabā.e hue a.amāl fard

    mere dāman meñ baraste hue lamhoñ ḳharosh

    merī palkoñ pe bagūloñ uḌaa.ī huī gard

    laakh lahroñ se uThā hai mirī fitrat ḳhamīr

    laakh qulzum mire siine meñ davāñ rahte haiñ

    din ko kirneñ mire afkār muñh dhotī haiñ

    shab ko taare mirī jānib nigrāñ rahte haiñ

    mere māthe pe jhalaktā hai nadāmat ban kar

    ibn-e-maryam vo jalva jo kalīsā meñ nahīñ

    rāñda-e-mauj bhī haiñ mujrim-e-zarrāt bhī haiñ

    merā qissa kisī afsānā-e-dariyā meñ nahīñ

    merī tārīḳh kisī safha-e-sahrā meñ nahīñ

    main wahi qatra-e-be-bahr wahi dasht-e-naward

    apne kandhon pe uThae hue sahra ka tilism

    apne sine mein chhupae hue sailab ka dard

    TuT kar rishta-e-tasbih se aa nikla hun

    dil ki dhaDkan mein dabae hue aamal ki fard

    mere daman mein baraste hue lamhon ka KHarosh

    meri palkon pe bagulon ki uDai hui gard

    lakh lahron se uTha hai meri fitrat ka KHamir

    lakh qulzum mere sine mein dawan rahte hain

    din ko kirnen mere afkar ka munh dhoti hain

    shab ko tare meri jaanib nigran rahte hain

    mere mathe pe jhalakta hai nadamat ban kar

    ibn-e-maryam ka wo jalwa jo kalisa mein nahin

    randa-e-mauj bhi hain mujrim-e-zarraat bhi hain

    mera qissa kisi afsana-e-dariya mein nahin

    meri tariKH kisi safha-e-sahra mein nahin

    Source:

    • Book : kulliyat-e-mustafa zaidii(qaba-e-saaz) (Pg. 27)
    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY