tanha

ik shāḳh se pattā TuuT girā

aur tū ne ThanDī aah bharī

ik shāḳh pe khiltā shagūfa thā

tū us se bhī bezār sī thī

tū apne ḳhayāl ke kohre meñ

lipTī huī gum-sum baiThī thī

tū paas thī aur maiñ tanhā thā

mere dil meñ terā ġham thā

tere dil meñ jaane kis kā

ham donoñ paas the aur itne

anjān havā kā har jhoñkā

ik saath hī ham se kahtā thā

''ai rāh-e-ishq ke gumrāho

tum donoñ kitne tanhā ho''

lekin ye use ma.alūm na thā

ham ek the ek the ham donoñ

ham ek hī dukh ke maare the

donoñ ke dhaḌakte sīnoñ meñ

sirf ek hī dard sulagtā thā

lekin ye use ma.alūm na thā

kahtā rahā vo to yahī ham se

''ai rāh-e-ishq ke gumrāho

tum donoñ kitne tanhā ho''

ek shaKH se patta TuT gira

aur tu ne ThanDi aah bhari

ek shaKH pe khilta shagufa tha

tu us se bhi bezar si thi

tu apne KHayal ke kohre mein

lipTi hui gum-sum baiThi thi

tu pas thi aur main tanha tha

mere dil mein tera gham tha

tere dil mein jaane kis ka

hum donon pas the aur itne

anjaan hawa ka har jhonka

ek sath hi hum se kahta tha

ai rah-e-ishq ke gumraho

tum donon kitne tanha ho

lekin ye use malum na tha

hum ek the ek the hum donon

hum ek hi dukh ke mare the

donon ke dhaDakte sinon mein

sirf ek hi dard sulagta tha

lekin ye use malum na tha

kahta raha wo to yahi hum se

ai rah-e-ishq ke gumraho

tum donon kitne tanha ho