taqabul

mazdūr

kitnī tārīk hai mazdūr kī duniyā ab tak

us ko afsos kabhī shaad na dekhā ab tak

vahī mehnat vahī dukh aur vahī ġham kī shiddat

vahī nik.hat vahī iflās vahī hai ġhurbat

TuuTe ghar meñ vahī phūTā sā diyā

din nahīñ raat nahīñ sub.h nahīñ shaam nahīñ

use bisrām nahīñ sukh nahīñ ārām nahīñ

baal bachchoñ kī hai kuchh fikr to kuchh apnā ḳhayāl

isī uljhan meñ shab-o-roz vo rahtā hai niDhāl

yuuñ jiyā bhī to bhalā kyā vo jiyā

dhanvān

aur dhanvān kā ab tak hai vahī sar ūñchā

us ke darvāze kī dahlīz kā patthar ūñchā

vahī bangle vahī koThe haiñ vahī rang-mahal

vahī gadde vahī masnad vahī farsh-e-maḳhmal

qumqumoñ se hai mahal baqqa-e-nūr

kis ra.ūnat se vo letā hai ġharīboñ kā salām

aisā sukmār hai kuchh itnā hai nāzuk-andām

haath uThānā to kujā jumbish-e-abrū bhī nahīñ

paas aḳhlāq-o-sharāfat kā sar-e-mū bhī nahīñ

kitnā fir.aun hai kaisā maġhrūr

mazdur

kitni tarik hai mazdur ki duniya ab tak

us ko afsos kabhi shad na dekha ab tak

wahi mehnat wahi dukh aur wahi gham ki shiddat

wahi nikhat wahi iflas wahi hai ghurbat

TuTe ghar mein wahi phuTa sa diya

din nahin raat nahin subh nahin sham nahin

use bisram nahin sukh nahin aaram nahin

baal bachchon ki hai kuchh fikr to kuchh apna KHayal

isi uljhan mein shab-o-roz wo rahta hai niDhaal

yun jiya bhi to bhala kya wo jiya

dhanwan

aur dhanwan ka ab tak hai wahi sar uncha

us ke darwaze ki dahliz ka patthar uncha

wahi bangle wahi koThe hain wahi rang-mahal

wahi gadde wahi masnad wahi farsh-e-maKHmal

qumqumon se hai mahal baqqa-e-nur

kis raunat se wo leta hai gharibon ka salam

aisa sukmar hai kuchh itna hai nazuk-andam

hath uThana to kuja jumbish-e-abru bhi nahin

pas aKHlaq-o-sharafat ka sar-e-mu bhi nahin

kitna firaun hai kaisa maghrur