taqayya

Parveen Shakir

taqayya

Parveen Shakir

MORE BY Parveen Shakir

    so ab ye shart-e-hayāt Thahrī

    ki shahar ke sab najīb afrād

    apne apne lahū hurmat se munharif ho ke jiinā sīkheñ

    vo sab aqīde ki in gharānoñ meñ

    un āñkhoñ ke rañgtoñ tarah tasalsul se chal rahe the

    sunā hai bātil qarār paa.e

    vo sab vafādāriyāñ ki jin par lahū ke va.ade halaf hue the

    vo aaj se maslahat ghaḌiyāñ shumār hoñgī

    badan vābastagī kyā zikr

    ruuh ke ahd-nāme tak fasḳh maane jaa.eñ

    ḳhamoshī-o-maslahat-pasandī meñ ḳhairiyat hai

    magar mire shahr-e-munharif meñ

    abhī kuchh aise ġhayyūr-o-sādiq ba-qaid-e-jāñ haiñ

    ki harf-e-inkār jin qismat nahīñ banā hai

    so hākim-e-shahr jab bhī apne ġhulām-zāde

    unheñ giraftār karne bheje

    to saath meñ ek ek shajra-e-nasb bhī ravāna karnā

    aur un ke hamrāh sard patthar meñ chunñe denā

    ki aaj se jab

    hazār-hā saal ba.ad ham bhī

    kisī zamāne ke Tekslāyā haḌappa ban kar talāshe jaa.eñ

    to us zamāne ke log

    ham ko

    kahīñ bahut kam-nasab na jāneñ

    so ab ye shart-e-hayat Thahri

    ki shahar ke sab najib afrad

    apne apne lahu ki hurmat se munharif ho ke jina sikhen

    wo sab aqide ki in gharanon mein

    un ki aankhon ke rangton ki tarah tasalsul se chal rahe the

    suna hai baatil qarar pae

    wo sab wafadariyan ki jin par lahu ke wade halaf hue the

    wo aaj se maslahat ki ghaDiyan shumar hongi

    badan ki wabastagi ka kya zikr

    ruh ke ahd-name tak fasKH mane jaen

    KHamoshi-o-maslahat-pasandi mein KHairiyat hai

    magar mere shahr-e-munharif mein

    abhi kuchh aise ghayyur-o-sadiq ba-qaid-e-jaan hain

    ki harf-e-inkar jin ki qismat nahin bana hai

    so hakim-e-shahr jab bhi apne ghulam-zade

    unhen giraftar karne bheje

    to sath mein ek ek ka shajra-e-nasb bhi rawana karna

    aur un ke hamrah sard patthar mein chunne dena

    ki aaj se jab

    hazar-ha sal baad hum bhi

    kisi zamane ke Tekslaya haDappa ban kar talashe jaen

    to us zamane ke log

    hum ko

    kahin bahut kam-nasab na jaanen

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Added to your favorites

    Removed from your favorites