taqsim-e-wazarat

minister mujh ko banvā do ḳhazāna-jāt kā māmūñ

hukūmat hī tumhārī hai to Dar kis baat kā māmūñ

maiñ kab kahtā huuñ U-S kī safārat chāhiye mujh ko

ḳhazāne aur khāne kī vazārat chāhiye mujh ko

ye merī chiiz hai ġhairoñ ko hathiyāne nahīñ dūñgā

maiñ custam kā idāra haath se jaane nahīñ dūñgā

zarā.at meñ bahū ko sho.aba-e-bāġhāt de do tum

aur apnī saas ko bhī jail-ḳhāna-jāt de do tum

chachī ko media de do chachā ko railway de do

tumhārā jo muḳhālif ho tum us ko jail-way de do

bahut hī kā.iyāñ ho jo use c.i.a de do

jo ho sab se nikammā tum use p.i.a de do

vazīr-e-āb kā mansab dikhāne ke liye rakh lo

qalam-dān-e-zarā.at samdhiyāne ke liye rakh lo

minister-health abbā ko banā do ab ye sūrat hai

bahut bīmār haiñ un ko davāoñ kī zarūrat hai

jise piine kī aadat ho use pī kar banā denā

jo kuchh bhī ban na paa.e us ko speaker banā denā

haj o auqāf bhī koī vazārat meñ vazārat hai

namāzeñ hī namāzeñ haiñ tahārat hī tahārat hai

ye gañgā mulk meñ ulTī hī bahnī chāhiye māmūñ

ye kābīna hamāre ghar meñ rahnī chāhiye māmūñ

minister mujh ko banwa do KHazana-jat ka mamun

hukumat hi tumhaari hai to Dar kis baat ka mamun

main kab kahta hun U-S ki safarat chahiye mujh ko

KHazane aur khane ki wazarat chahiye mujh ko

ye meri chiz hai ghairon ko hathiyane nahin dunga

main custam ka idara hath se jaane nahin dunga

zaraat mein bahu ko shoaba-e-baghat de do tum

aur apni sas ko bhi jail-KHana-jat de do tum

chachi ko media de do chacha ko railway de do

tumhaara jo muKHalif ho tum us ko jail-way de do

bahut hi kaiyan ho jo use cia de do

jo ho sab se nikamma tum use pia de do

wazir-e-ab ka mansab dikhane ke liye rakh lo

qalam-dan-e-zaraat samdhiyane ke liye rakh lo

minister-health abba ko bana do ab ye surat hai

bahut bimar hain un ko dawaon ki zarurat hai

jise pine ki aadat ho use pi kar bana dena

jo kuchh bhi ban na pae us ko speaker bana dena

haj o auqaf bhi koi wazarat mein wazarat hai

namazen hi namazen hain tahaarat hi tahaarat hai

ye ganga mulk mein ulTi hi bahni chahiye mamun

ye kabina hamare ghar mein rahni chahiye mamun