tarah-e-nau

sa.ī-e-baqā-e-shaukat-e-askandarī kī ḳhair

māhaul-e-ḳhisht-bār meñ shīshagarī kī ḳhair

bezār hai kunisht-o-kalīsā se ik jahāñ

saudāgarān-e-dīn kī saudāgarī kī ḳhair

fāqa-kashoñ ke ḳhuun meñ hai josh-e-intiqām

sarmāya ke fareb jahāñ-parvarī kī ḳhair

tabqāt mubtazil meñ hai tanzīm kī numūd

shāhanshahoñ ke zābta-e-ḳhud-sarī kī ḳhair

ehsās baḌh rahā hai huqūq-e-hayāt kā

paidā.eshī huqūq sitam-parvarī kī ḳhair

iblīs ḳhanda-zan hai mazāhib kī laash par

paiġhambarān-e-dahr kī paiġhambarī kī ḳhair

sehn-e-jahāñ meñ raqs-kunāñ haiñ tabāhiyāñ

āqā-e-hast-o-būd kī san.at-garī kī ḳhair

sho.ale lapak rahe haiñ jahannam kī god se

bāġh-e-jināñ meñ jalva-e-hūr-o-parī kī ḳhair

insāñ ulaT rahā hai ruḳh-e-zīst se naqāb

maz.hab ke ehtimām fusūñ-parvarī kī ḳhair

ilhād kar rahā hai murattab jahān-e-nau

dair-o-haram ke hīla-e-ġhārat-garī kī ḳhair

sai-e-baqa-e-shaukat-e-askandari ki KHair

mahaul-e-KHisht-bar mein shishagari ki KHair

bezar hai kunisht-o-kalisa se ek jahan

saudagaran-e-din ki saudagari ki KHair

faqa-kashon ke KHun mein hai josh-e-intiqam

sarmaya ke fareb jahan-parwari ki KHair

tabqat mubtazil mein hai tanzim ki numud

shahanshahon ke zabta-e-KHud-sari ki KHair

ehsas baDh raha hai huquq-e-hayat ka

paidaeshi huquq sitam-parwari ki KHair

iblis KHanda-zan hai mazahib ki lash par

paighambaran-e-dahr ki paighambari ki KHair

sehn-e-jahan mein raqs-kunan hain tabahiyan

aaqa-e-hast-o-bud ki sanat-gari ki KHair

shoale lapak rahe hain jahannam ki god se

bagh-e-jinan mein jalwa-e-hur-o-pari ki KHair

insan ulaT raha hai ruKH-e-zist se naqab

mazhab ke ehtimam fusun-parwari ki KHair

ilhad kar raha hai murattab jahan-e-nau

dair-o-haram ke hila-e-ghaarat-gari ki KHair