targhib aur uske baad

Akhtar-ul-Iman

targhib aur uske baad

Akhtar-ul-Iman

MORE BY Akhtar-ul-Iman

    tarġhīb:

    phir maiñ kaam meñ lag jā.ūñgā aa fursat hai pyaar kareñ

    nāgin bal khātī uTh aur merī god meñ aan machal

    bhed-bhāv bastī meñ koī bhed-bhāv naam na le

    hastī par yuuñ chhā baḌh kar sharminda ho jaa.e ajal

    chhoḌ ye laaj ghūñgat kab tak rahegā in āñkhoñ ke saath

    chaḌhtī raat hai Dhaltā sūraj khaḌī khaḌī mat paañv mal

    phir ye jaadū so jā.egā samay jo biitā gahrī niiñd

    jo kuchh hai anmol hai ab tak ek ik lamha ek ik pal

    bin chhūī miTTī ḳhushbū us sūñdhā sūñdhā-pan

    sab kuchh chhin jā.egā ik din ab bhī vaqt hai dekh sambhal

    narm ragoñ meñ mīThī mīThī Tiis jo ye uThtī hai aaj

    baḌhtī mauj relā hai ik, Tiis na uThegī kal

    mast rasīlī āñkhoñ se ye chhalkī chhalkī ik shai

    jis ne aaj apnāyā is ko samjho us ke car saphal

    maiñ tere sho.aloñ se khelūñ bhī merī aag se khel

    maiñ bhī terī niiñd chūrā.ūñ bhī merī nīndeñ chhal

    narm havā ke jhoñkoñ se khultī hai phūloñ aañkh

    varna barsoñ saath rahe haiñ Thahrā paanī band kañval!

    us ke ba.ad:

    bhīgī raat nashsha TuuTā Duub gayā hai chaḌhtā chāñd

    thake thake haiñ a.azā saare aur huiiñ palkeñ bojhal

    shabnam ras ga.iiñ kirneñ din rañg chamak uTThā

    guuñj hai bhañvroñ kānoñ meñ par haiñ āñkhoñ se ojhal

    husn aur ishq is duniyā meñ kis ne kis saath diyā

    maiñ apne raste jaatā huuñ aur apnī Dagar par chal!

    targhib:

    phir main kaam mein lag jaunga aa fursat hai pyar karen

    nagin si bal khati uTh aur meri god mein aan machal

    bhed-bhaw ki basti mein koi bhed-bhaw ka nam na le

    hasti par yun chha ja baDh kar sharminda ho jae ajal

    chhoD ye laj ka ghungat kab tak rahega in aankhon ke sath

    chaDhti raat hai Dhalta suraj khaDi khaDi mat panw mal

    phir ye jadu so jaega samay jo bita gahri nind

    jo kuchh hai anmol hai ab tak ek ek lamha ek ek pal

    bin chhui miTTi ki KHushbu us ka sundha sundha-pan

    sab kuchh chhin jaega ek din ab bhi waqt hai dekh sambhal

    narm ragon mein miThi miThi Tis jo ye uThti hai aaj

    baDhti mauj ka rela hai ik, Tis na uThegi kal

    mast rasili aankhon se ye chhalki chhalki si ek shai

    jis ne aaj apnaya is ko samjho us ke car saphal

    main tere shoalon se khelun tu bhi meri aag se khel

    main bhi teri nind churaun tu bhi meri ninden chhal

    narm hawa ke jhonkon hi se khulti hai phulon ki aankh

    warna barson sath rahe hain Thahra pani band kanwal!

    us ke baad:

    bhigi raat ka nashsha TuTa Dub gaya hai chaDhta chand

    thake thake hain aaza sare aur huin palken bojhal

    shabnam ka ras pi gain kirnen din ka rang chamak uTTha

    gunj hai bhanwron ki kanon mein par hain aankhon se ojhal

    husn aur ishq ki is duniya mein kis ne kis ka sath diya

    main apne raste jata hun aur tu apni Dagar par chal!

    Source:

    • Book: Jalta Hai Badan (Pg. 20)
    • Author: Zahid Hasan
    • Publication: Apnaidara, Lahore (2002)
    • Edition: 2002

    Tagged Under

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Added to your favorites

    Removed from your favorites