tasalli

rāste ke pech-o-ḳham dushman sahī

fāsle haiñ munhasir raftār par

kaan mat dharnā dil-e-āzurda kī siskār par

kyā huā chullū jo chhalnī haiñ abhī

hoñT kyoñ hoñ tishnagī ke ishtihār

kyā huā soche hue manzar jo haath aa.e nahīñ

aañkh sā dariyā bane kyoñ reg-zār

naaz ho tahsīl kā yā nā-rasā.ī kā malāl

har tag-o-dau hai qavī kā ishti.āl

soch saktā hai khule dil se to bas itnā hī soch

sheva-e-hirmān-o-yās achchhā nahīñ

zindagī kā yuuñ libās achchhā nahīñ

TuuT kar sālim bane rahnā agarche hai fareb

mo'tariz hotā nahīñ koī magar ilhāq par

ba.az taḳhlīqī amal ke mā-sivā

kaun sā ilzām aatā hai kisī tiryāq par

raste ke pech-o-KHam dushman sahi

fasle hain munhasir raftar par

kan mat dharna dil-e-azurda ki siskar par

kya hua chullu jo chhalni hain abhi

honT kyon hon tishnagi ke ishtihaar

kya hua soche hue manzar jo hath aae nahin

aankh sa dariya bane kyon reg-zar

naz ho tahsil ka ya na-rasai ka malal

har tag-o-dau hai qawi ka ishtial

soch sakta hai khule dil se to bas itna hi soch

shewa-e-hirman-o-yas achchha nahin

zindagi ka yun libas achchha nahin

TuT kar salim bane rahna agarche hai fareb

mo'tariz hota nahin koi magar ilhaq par

baz taKHliqi amal ke ma-siwa

kaun sa ilzam aata hai kisi tiryaq par