taswir o tasawwur

Jigar Moradabadi

taswir o tasawwur

Jigar Moradabadi

MORE BYJigar Moradabadi

    vo kab ke aa.e bhī aur ga.e bhī nazar meñ ab tak samā rahe haiñ

    ye chal rahe haiñ, vo phir rahe haiñ, ye aa rahe haiñ vo rahe haiñ

    vahī qayāmat hai qadd-e-bālā vahī hai sūrat, vahī sarāpā

    laboñ ko jumbish, nigah ko larzish, khaḌe haiñ aur muskurā rahe haiñ

    vahī latāfat, vahī nazākat, vahī tabassum, vahī tarannum

    maiñ naqsh-e-hirmāñ banā huā thā vo naqsh-e-hairat banā rahe haiñ

    ḳhirām rañgīñ, nizām rañgīñ, kalām rañgīñ, payām rañgīñ

    qadam qadam par, ravish ravish par na.e na.e gul khilā rahe haiñ

    shabāb rañgīñ, jamāl rañgīñ, vo sar se tak tamām rañgīñ

    tamām rañgīñ bane hue haiñ, tamām rañgīñ banā rahe haiñ

    tamām ra.anā.iyoñ ke maz.har, tamām rañgīniyoñ ke manzar

    sambhal sambhal kar simaT simaT kar sab ek markaz par aa rahe haiñ

    bahār-e-rañg-o-shabāb kyā sitāra o māhtāb kyā

    tamām hastī jhukī huī hai, jidhar vo nazreñ jhukā rahe haiñ

    tuyūr sarshār-e-sāġhar-e-mul halāk-e-tanvīr-e-lāla-o-gul

    sab apnī apnī dhunoñ meñ mil kar ajab ajab giit rahe haiñ

    sharāb ā.ankhoñ se Dhal rahī hai, nazar se mastī ubal rahī hai

    chhalak rahī hai uchhal rahī hai, piye hue haiñ pilā rahe haiñ

    ḳhud apne nashshe meñ jhūmte haiñ, vo apnā muñh aap chūmte haiñ

    ḳharāb-e-mastī bane hue haiñ, halāk-e-mastī banā rahe haiñ

    fazā se nashsha baras rahā hai, dimāġh phūloñ meñ bas rahā hai

    vo kaun hai jo taras rahā hai? sabhī ko mai-kash pilā rahe haiñ

    zamīn nashsha, zamān nashsha, jahān nashsha, makān nashsha

    makān kyaa? lā-makān nashsha, Dubo rahe haiñ pilā rahe haiñ

    vo rū-e-rañgīñ o mauja-e-yam ki jaise dāmān-e-gul pe shabnam

    ye garmī-e-husn hai ālam, araq araq meñ nahā rahe haiñ

    ye mast bulbul bahak rahe haiñ, qarīb-e-āriz chahak rahe hai

    guloñ chhātī dhaḌak rahī hai, vo dast-e-rañgīñ baḌhā rahe haiñ

    ye mauj-o-dariyā, ye reg-o-sahrā ye ġhuncha-o-gul, ye māh-o-anjum

    zarā jo vo muskurā diye haiñ vo sab ke sab muskurā rahe haiñ

    fazā ye naġhmoñ se bhar ga.ī hai ki mauj-e-dariyā Thahar ga.ī hai

    sukūt-e-naġhma banā huā hai, vo jaise kuchh gungunā rahe haiñ

    ab aage jo kuchh bhī ho muqaddar, rahegā lekin ye naqsh dil par

    ham un dāman pakaḌ rahe haiñ, vo apnā dāman chhuḌā rahe haiñ

    ye ashk jo bah rahe haiñ paiham, agarche sab haiñ ye hāsil-e-ġham

    magar ye ma.alūm ho rahā hai, ki ye bhī kuchh muskurā rahe haiñ

    zarā jo dam bhar ko aañkh jhapkī, ye dekhtā huuñ na.ī tajallī

    tilism sūrat miTā rahe haiñ, jamāl ma.anī banā rahe haiñ

    ḳhushī se labrez shash-jihat hai, zabān par shor-e-tahniyat hai

    ye vaqt vo hai 'jigar' ke dil ko vo apne dil se milā rahe haiñ

    wo kab ke aae bhi aur gae bhi nazar mein ab tak sama rahe hain

    ye chal rahe hain, wo phir rahe hain, ye aa rahe hain wo ja rahe hain

    wahi qayamat hai qadd-e-baala wahi hai surat, wahi sarapa

    labon ko jumbish, nigah ko larzish, khaDe hain aur muskura rahe hain

    wahi latafat, wahi nazakat, wahi tabassum, wahi tarannum

    main naqsh-e-hirman bana hua tha wo naqsh-e-hairat bana rahe hain

    KHiram rangin, nizam rangin, kalam rangin, payam rangin

    qadam qadam par, rawish rawish par nae nae gul khila rahe hain

    shabab rangin, jamal rangin, wo sar se pa tak tamam rangin

    tamam rangin bane hue hain, tamam rangin bana rahe hain

    tamam ranaiyon ke mazhar, tamam ranginiyon ke manzar

    sambhal sambhal kar simaT simaT kar sab ek markaz par aa rahe hain

    bahaar-e-rang-o-shabab hi kya sitara o mahtab hi kya

    tamam hasti jhuki hui hai, jidhar wo nazren jhuka rahe hain

    tuyur sarshaar-e-saghar-e-mul halak-e-tanwir-e-lala-o-gul

    sab apni apni dhunon mein mil kar ajab ajab git ga rahe hain

    sharab aaankhon se Dhal rahi hai, nazar se masti ubal rahi hai

    chhalak rahi hai uchhal rahi hai, piye hue hain pila rahe hain

    KHud apne nashshe mein jhumte hain, wo apna munh aap chumte hain

    KHarab-e-masti bane hue hain, halak-e-masti bana rahe hain

    faza se nashsha baras raha hai, dimagh phulon mein bas raha hai

    wo kaun hai jo taras raha hai? sabhi ko mai-kash pila rahe hain

    zamin nashsha, zaman nashsha, jahan nashsha, makan nashsha

    makan kya? la-makan nashsha, Dubo rahe hain pila rahe hain

    wo ru-e-rangin o mauja-e-yam ki jaise daman-e-gul pe shabnam

    ye garmi-e-husn ka hai aalam, araq araq mein naha rahe hain

    ye mast bulbul bahak rahe hain, qarib-e-ariz chahak rahe hai

    gulon ki chhati dhaDak rahi hai, wo dast-e-rangin baDha rahe hain

    ye mauj-o-dariya, ye reg-o-sahra ye ghuncha-o-gul, ye mah-o-anjum

    zara jo wo muskura diye hain wo sab ke sab muskura rahe hain

    faza ye naghmon se bhar gai hai ki mauj-e-dariya Thahar gai hai

    sukut-e-naghma bana hua hai, wo jaise kuchh gunguna rahe hain

    ab aage jo kuchh bhi ho muqaddar, rahega lekin ye naqsh dil par

    hum un ka daman pakaD rahe hain, wo apna daman chhuDa rahe hain

    ye ashk jo bah rahe hain paiham, agarche sab hain ye hasil-e-gham

    magar ye malum ho raha hai, ki ye bhi kuchh muskura rahe hain

    zara jo dam bhar ko aankh jhapki, ye dekhta hun nai tajalli

    tilism surat miTa rahe hain, jamal mani bana rahe hain

    KHushi se labrez shash-jihat hai, zaban par shor-e-tahniyat hai

    ye waqt wo hai 'jigar' ke dil ko wo apne dil se mila rahe hain

    Source:

    • Book : Kulliyat-e-jigar (Pg. 413)
    • Author : Jigar Muradabadi
    • Publication : Educational Publishing House (2011)
    • Edition : 2011
    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY