tauba-nama

Hafeez Jalandhari

tauba-nama

Hafeez Jalandhari

MORE BY Hafeez Jalandhari

    uf vo raavī kināra vo ghaTā chhā.ī huī

    shaam ke dāman meñ sabze par bahār aa.ī huī

    vo shafaq ke bādaloñ meñ nīl-gūñ surḳhī rañg

    aur raavī talā.ī nuqra.ī lahroñ meñ jañg

    shah-dare meñ aam ke peḌoñ pe koyal pukār

    Dāliyoñ par sabz pattoñ surḳh phūloñ nikhār

    vo gulābī aks meñ Duubī huī chashm-e-hubāb

    aur nashe meñ mast vo sarmast maujoñ ke raubāb

    vo havā ke sard jhoñke shoḳhiyāñ karte hue

    bin pii.e bā-mast kar dene dam bharte hue

    duur se zālim papīhe sadā aatī huī

    pai-ba-pai kam-baḳht pī-pī kah kar uksātī huī

    aur vo maiñ ThanDī ThanDī ret par baiThā huā

    donoñ hāthoñ se kaleja thaam kar baiThā huā

    shaiḳh-sāhib! sach to ye hai un dinoñ piitā thā maiñ

    un dinoñ piitā thā ya.anī jin dinoñ jiitā thā meñ

    ab vo aalam kahāñ hai mai piye muddat huī

    ab maiñ tauba kyā karūñ tauba kiye muddat huī

    uf wo rawi ka kinara wo ghaTa chhai hui

    sham ke daman mein sabze par bahaar aai hui

    wo shafaq ke baadalon mein nil-gun surKHi ka rang

    aur rawi ki talai nuqrai lahron mein jang

    shah-dare mein aam ke peDon pe koyal ki pukar

    Daliyon par sabz patton surKH phulon ka nikhaar

    wo gulabi aks mein Dubi hui chashm-e-hubab

    aur nashe mein mast wo sarmast maujon ke raubab

    wo hawa ke sard jhonke shoKHiyan karte hue

    bin pie ba-mast kar dene ka dam bharte hue

    dur se zalim papihe ki sada aati hui

    pai-ba-pai kam-baKHt pi-pi kah kar uksati hui

    aur wo main ThanDi ThanDi ret par baiTha hua

    donon hathon se kaleja tham kar baiTha hua

    shaiKH-sahib! sach to ye hai un dinon pita tha main

    un dinon pita tha yani jin dinon jita tha mein

    ab wo aalam hi kahan hai mai piye muddat hui

    ab main tauba kya karun tauba kiye muddat hui

    Source:

    • Book : Kulliyat-e-Hafeez Jalandhari (Pg. 267)
    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY