aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

tawaif

Asim Badr

tawaif

Asim Badr

MORE BYAsim Badr

    kabhī dil sochtā hai in tavā.if-zādiyoñ zindagī likkhūñ

    ki jin ke roz-o-shab koThe chhoTī koTharī meñ malgajī raushnī meñ zindagī talḳhiyāñ chun kar guzartī haiñ

    ki jin ke phuul se komal badan ne thuuk se luThḌe badan fāsla tai kiyā ho chand lamhoñ meñ

    ki jin ke tan se lākhoñ vahshiyoñ ne rāt-o-din ke har pahar meñ jāñ-fishānī se havas fasl kaaTī ho

    kabhī dil chāhtā hai in tavā.if-zādiyoñ zindagī bartūñ

    jo din Dhalte rozīna badan par ḳhushnumā chādar chaḌhā kar apne hisse muñDeroñ se jhalaktī haiñ

    Dhalaktī chhātiyoñ ko ik adā-e-be-niyāzī se havas ke nīlgūñ bāzār meñ nīlām kartī haiñ

    pichakte peT sūkhe than zarḳhezī ḳhātir vo zamīn-e-jism ke rāzoñ ko tasht-az-bām kartī haiñ

    kabhī dil kulbulātā hai ki pūchhūñ ā.inoñ ke shahr meñ be-chehragī kaisī

    vo vahshī jo pas-e-dīvār apne dast-e-jinsī se dur-e-nāsufta pākīzgī ko taar karte haiñ

    unheñ din ke ujāle meñ unheñ a.amāl-nāmoñ ke havāloñ se savāloñ meñ pirone se bhalā be-ġhairatī kaisī

    vo chīḳheñ jo pas-e-zindān ghuTtī haiñ sisaktī haiñ vo saa.e jo pas dīvār rulte haiñ kuchalte haiñ

    mujhe un kahānī ko ghinaunī zindagānī ko yuuñ nazmoñ meñ samone se zamāne ko batāne se bhalā be-pardagī kaisī

    kabhi dil sochta hai in tawaif-zadiyon ki zindagi likkhun

    ki jin ke roz-o-shab koThe ki chhoTi koThari mein malgaji si raushni mein zindagi ki talKHiyan chun kar guzarti hain

    ki jin ke phul se komal badan ne thuk se luThDe badan ka fasla sa tai kiya ho chand lamhon mein

    ki jin ke tan se lakhon wahshiyon ne raat-o-din ke har pahar mein jaan-fishani se hawas ki fasl kaTi ho

    kabhi dil chahta hai in tawaif-zadiyon ki zindagi bartun

    jo din Dhalte hi rozina badan par KHushnuma chadar chaDha kar apne hisse ki munDeron se jhalakti hain

    Dhalakti chhatiyon ko ek ada-e-be-niyazi se hawas ke nilgun bazar mein nilam karti hain

    pichakte peT sukhe than ki zarKHezi ki KHatir wo zamin-e-jism ke raazon ko tasht-az-baam karti hain

    kabhi dil kulbulata hai ki puchhun aainon ke shahr mein be-chehragi kaisi

    wo wahshi jo pas-e-diwar apne dast-e-jinsi se dur-e-nasufta ki pakizgi ko tar karte hain

    unhen din ke ujale mein unhen aamal-namon ke hawalon se sawalon mein pirone se bhala be-ghairati kaisi

    wo chiKHen jo pas-e-zindan ghuTti hain sisakti hain wo sae jo pas diwar rulte hain kuchalte hain

    mujhe un ki kahani ko ghinauni zindagani ko yun nazmon mein samone se zamane ko batane se bhala be-pardagi kaisi

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Jashn-e-Rekhta | 8-9-10 December 2023 - Major Dhyan Chand National Stadium, Near India Gate - New Delhi

    GET YOUR PASS
    Speak Now