aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

tazad

MORE BYHimayat Ali Shayar

    maiñ sochtā huuñ

    maiñ ek insān huuñ ek musht-e-ġhubār huuñ maiñ

    abhī maiñ ye soch rahā thā

    ki ek āvāz sarsarā.ī fazā ḳhāmosh vus.atoñ meñ

    palaT ke dekhā

    koī havā.ī jahāz parvāz kar rahā thā

    jo lamha lamha bulandiyoñ taraf ravāñ thā

    maiñ us ko taktā rahā musalsal

    na jaane kab tak

    na jaane is lamha-e-gurezāñ ke tañg dāman meñ kitnī sadiyāñ simaT ga.ī thiiñ

    na jaane merī nazar meñ kitne na.e ufuq jagmagā.e

    kitne chāñd sūraj ubhar ke Duube

    na jaane vo kaun jahāñ thā

    zamīñ ki paañv tale koī farsh-e-zar ho jaise

    falak ki sar par ridā-e-āb-e-guhar ho jaise

    fazā munavvar

    havā mo.attar

    nafas nafas meñ basī huī nik.hat-e-gul-e-tar

    ḳhalāoñ meñ mushtarī o zohra raqs jaarī

    tamām aalam pe halkā halkā surūr taarī

    na jaane maiñ kis ḳhayāl meñ gum

    kis abr-pāre pe uḌ rahā thā

    ġhurūr se sar buland kar ke har ik sitāre ko dekhtā thā

    ki ek dil-doz chīḳh gūñjī fazā ḳhāmosh vus.atoñ meñ

    maiñ chauñk uTThā

    palaT ke dekhā

    galī se ik haDDiyoñ Dhāñcha guzar rahā thā

    jo chīḳh kar ek ik se kahtā thā ''ek roTī

    ḳhudā tumhārā bhalā karegā''

    main sochta hun

    main ek insan hun ek musht-e-ghubar hun main

    abhi main ye soch hi raha tha

    ki ek aawaz sarsarai faza ki KHamosh wusaton mein

    palaT ke dekha

    koi hawai jahaz parwaz kar raha tha

    jo lamha lamha bulandiyon ki taraf rawan tha

    main us ko takta raha musalsal

    na jaane kab tak

    na jaane is lamha-e-gurezan ke tang daman mein kitni sadiyan simaT gai thin

    na jaane meri nazar mein kitne nae ufuq jagmagae

    kitne hi chand suraj ubhar ke Dube

    na jaane wo kaun sa jahan tha

    zamin ki panw tale koi farsh-e-zar ho jaise

    falak ki sar par rida-e-ab-e-guhar ho jaise

    faza munawwar

    hawa moattar

    nafas nafas mein basi hui nikhat-e-gul-e-tar

    KHalaon mein mushtari o zohra ka raqs jari

    tamam aalam pe halka halka surur tari

    na jaane main kis KHayal mein gum

    kis abr-pare pe uD raha tha

    ghurur se sar buland kar ke har ek sitare ko dekhta tha

    ki ek dil-doz chiKH gunji faza ki KHamosh wusaton mein

    main chaunk uTTha

    palaT ke dekha

    gali se ek haDDiyon ka Dhancha guzar raha tha

    jo chiKH kar ek ek se kahta tha ek roTi

    KHuda tumhaara bhala karega

    Source:

    Nai Nazm ka safar (Pg. 168)

    • Author: NCPUL, New Delhi
      • Edition: 2011
      • Publisher: Khalilur Rahman Azmi
      • Year of Publication: 2011
    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Jashn-e-Rekhta | 8-9-10 December 2023 - Major Dhyan Chand National Stadium, Near India Gate - New Delhi

    GET YOUR PASS
    Speak Now