tere KHaton ki KHushbu

Qateel Shifai

tere KHaton ki KHushbu

Qateel Shifai

MORE BYQateel Shifai

    tere ḳhatoñ ḳhushbū

    hāthoñ meñ bas ga.ī hai sāñsoñ meñ rach rahī hai

    ḳhvāboñ vus.atoñ meñ ik dhuum mach rahī hai

    jazbāt ke gulistāñ mahkā rahī hai har

    tere ḳhatoñ ḳhushbū

    tere ḳhatoñ mujh par kyā kyā ināyateñ haiñ

    be-mudda.ā karam hai bejā shikāyateñ haiñ

    apne qahqahoñ par barsā rahī hai aañsū

    tere ḳhatoñ ḳhushbū

    terī zabān ban kar aksar mujhe sunā.e

    bāteñ banī banā.ī jumle raTe-raTā.e

    mujh par bhī kar chukī hai apnī vafā jaadū

    tere ḳhatoñ ḳhushbū

    samjhe haiñ kuchh usī ne ādāb chāhatoñ ke

    sab ke liye vahī haiñ alqāb chāhatoñ ke

    sab ke liye barābar phailā rahī hai baazū

    tere ḳhatoñ ḳhushbū

    apne sivā kisī ko maiñ jāntā nahīñ thā

    suntā thā laakh bāteñ aur māntā nahīñ thā

    ab ḳhud nikāl laa.ī begānagī ke pahlū

    tere ḳhatoñ ḳhushbū

    kyā jaane kis taraf ko chupke se muḌ chukī hai

    gulshan ke par lagā kar sahrā ko uḌ chalī hai

    rokā hazār maiñ ne aa.ī magar na qaabū

    tere ḳhatoñ ḳhushbū

    tere KHaton ki KHushbu

    hathon mein bas gai hai sanson mein rach rahi hai

    KHwabon ki wusaton mein ek dhum mach rahi hai

    jazbaat ke gulistan mahka rahi hai har su

    tere KHaton ki KHushbu

    tere KHaton ki mujh par kya kya inayaten hain

    be-muddaa karam hai beja shikayaten hain

    apne hi qahqahon par barsa rahi hai aansu

    tere KHaton ki KHushbu

    teri zaban ban kar aksar mujhe sunae

    baaten bani banai jumle raTe-raTae

    mujh par bhi kar chuki hai apni wafa ka jadu

    tere KHaton ki KHushbu

    samjhe hain kuchh usi ne aadab chahaton ke

    sab ke liye wahi hain alqab chahaton ke

    sab ke liye barabar phaila rahi hai bazu

    tere KHaton ki KHushbu

    apne siwa kisi ko main jaanta nahin tha

    sunta tha lakh baaten aur manta nahin tha

    ab KHud nikal lai beganagi ke pahlu

    tere KHaton ki KHushbu

    kya jaane kis taraf ko chupke se muD chuki hai

    gulshan ke par laga kar sahra ko uD chali hai

    roka hazar main ne aai magar na qabu

    tere KHaton ki KHushbu

    Source :
    • Book : Kalam Qateel Shifai (Pg. 269)
    • Author : Qateel Shifai
    • Publication : Farid Book Depot Pvt. Ltd (2011)
    • Edition : 2011
    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY