teri aawaz

Sahir Ludhianvi

teri aawaz

Sahir Ludhianvi

MORE BYSahir Ludhianvi

    raat sunsān thī bojhal thiiñ fazā sāñseñ

    ruuh par chhā.e the be-nām ġhamoñ ke saa.e

    dil ko ye zid thī ki aa.e tasallī dene

    merī koshish thī ki kambaḳht ko niiñd aa jaa.e

    der tak ā.ankhoñ meñ chubhtī rahī tāroñ chamak

    der tak zehn sulagtā rahā tanhā.ī meñ

    apne Thukrā.e hue dost pursish ke liye

    to na aa.ī magar us raat pahnā.ī meñ

    yuuñ achānak tirī āvāz kahīñ se aa.ī

    jaise parbat jigar chiir ke jharnā phūTe

    zamīnoñ mohabbat meñ taḌap kar nāgāh

    āsmānoñ se koī shoḳh sitāra TuuTe

    shahad ghul gayā talḳhāba-e-tanhā.ī meñ

    rañg phail gayā dil ke siyah-ḳhāne meñ

    der tak yuuñ tirī mastāna sadā.eñ gaūñjīñ

    jis tarah phuul chaTakne lageñ vīrāne meñ

    bahut duur kisī anjuman-e-nāz meñ thī

    phir bhī mahsūs kiyā maiñ ne ki aa.ī hai

    aur naġhmoñ meñ chhupā kar mire kho.e hue ḳhvāb

    merī rūThī huī nīndoñ ko manā laa.ī hai

    raat sat.h par ubhre tire chehre ke nuqūsh

    vahī chup-chāp āñhkeñ vahī saada nazar

    vahī Dhalkā huā āñchal vahī raftār ḳham

    vahī rah rah ke lachaktā huā nāzuk paikar

    mire paas na thī phir bhī sahar hone tak

    terā har saañs mire jism ko chhū kar guzrā

    qatra qatra tire dīdār shabnam Tapkī

    lamha lamha tirī ḳhushbū se mo.attar guzrā

    ab yahī hai tujhe manzūr to ai jān-e-qarār

    maiñ tirī raah na dekhūñgā siyah rātoñ meñ

    DhūñDh leñgī mirī tarsī huī nazreñ tujh ko

    naġhma o sher umDī huī barsātoñ meñ

    ab tirā pyaar satā.egā to merī hastī

    tirī mastī bharī āvāz meñ Dhal jā.egī

    aur ye ruuh jo tere liye bechain hai

    giit ban kar tire hoñToñ pe machal jā.egī

    tere naġhmāt tire husn ThanDak le kar

    mere tapte hue māhaul meñ aa jā.eñge

    chand ghaḌiyoñ ke liye huuñ ki hamesha ke liye

    mirī jaagī huī rātoñ ko sulā jā.eñge

    raat sunsan thi bojhal thin faza ki sansen

    ruh par chhae the be-nam ghamon ke sae

    dil ko ye zid thi ki tu aae tasalli dene

    meri koshish thi ki kambaKHt ko nind aa jae

    der tak aaankhon mein chubhti rahi taron ki chamak

    der tak zehn sulagta raha tanhai mein

    apne Thukrae hue dost ki pursish ke liye

    to na aai magar us raat ki pahnai mein

    yun achanak teri aawaz kahin se aai

    jaise parbat ka jigar chir ke jharna phuTe

    ya zaminon ki mohabbat mein taDap kar nagah

    aasmanon se koi shoKH sitara TuTe

    shahad sa ghul gaya talKHaba-e-tanhai mein

    rang sa phail gaya dil ke siyah-KHane mein

    der tak yun teri mastana sadaen gaunjin

    jis tarah phul chaTakne lagen virane mein

    tu bahut dur kisi anjuman-e-naz mein thi

    phir bhi mahsus kiya main ne ki tu aai hai

    aur naghmon mein chhupa kar mere khoe hue KHwab

    meri ruThi hui nindon ko mana lai hai

    raat ki sath par ubhre tere chehre ke nuqush

    wahi chup-chap si aanhken wahi sada si nazar

    wahi Dhalka hua aanchal wahi raftar ka KHam

    wahi rah rah ke lachakta hua nazuk paikar

    tu mere pas na thi phir bhi sahar hone tak

    tera har sans mere jism ko chhu kar guzra

    qatra qatra tere didar ki shabnam Tapki

    lamha lamha teri KHushbu se moattar guzra

    ab yahi hai tujhe manzur to ai jaan-e-qarar

    main teri rah na dekhunga siyah raaton mein

    DhunDh lengi meri tarsi hui nazren tujh ko

    naghma o sher ki umDi hui barsaton mein

    ab tera pyar sataega to meri hasti

    teri masti bhari aawaz mein Dhal jaegi

    aur ye ruh jo tere liye bechain si hai

    git ban kar tere honTon pe machal jaegi

    tere naghmat tere husn ki ThanDak le kar

    mere tapte hue mahaul mein aa jaenge

    chand ghaDiyon ke liye hun ki hamesha ke liye

    meri jagi hui raaton ko sula jaenge

    RECITATIONS

    Hamida Bano

    Hamida Bano

    Hamida Bano

    teri aawaz Hamida Bano

    Source:

    • Book : Kulliyat-e-Sahir (Pg. 147)
    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY