tez chalo

ye kah rahā hai dil-e-be-qarār tez chalo

bahut udaas haiñ zanjīr o daar tez chalo

jo thak ga.e haiñ unheñ gard-e-rāh rahne do

kisī kā ab na karo intizār tez chalo

ḳhizāñ kī shaam kahāñ tak rahegī sāya-fagan

bahut qarīb hai sub.h-e-bahār tez chalo

tumhī se ḳhauf-zada haiñ zamīn o zar vaale

tumhī ho chashm-e-sitam-gar pe baar tez chalo

karo ḳhulūs o mohabbat ko rahnumā apnā

nahīñ durust diloñ meñ ġhubār tez chalo

bahut haiñ ham meñ yahāñ log guftugū-pesha

hai un kā sirf yahī kārobār tez chalo

ḳhirad kī sust-ravī se kise milī manzil

junūñ hī ab to karo iḳhtiyār tez chalo

ye kah raha hai dil-e-be-qarar tez chalo

bahut udas hain zanjir o dar tez chalo

jo thak gae hain unhen gard-e-rah rahne do

kisi ka ab na karo intizar tez chalo

KHizan ki sham kahan tak rahegi saya-fagan

bahut qarib hai subh-e-bahaar tez chalo

tumhi se KHauf-zada hain zamin o zar wale

tumhi ho chashm-e-sitam-gar pe bar tez chalo

karo KHulus o mohabbat ko rahnuma apna

nahin durust dilon mein ghubar tez chalo

bahut hain hum mein yahan log guftugu-pesha

hai un ka sirf yahi karobar tez chalo

KHirad ki sust-rawi se kise mili manzil

junun hi ab to karo iKHtiyar tez chalo