third-diwision

jiine kī kashmakash meñ na be-kār Dāliye

maiñ third-divisioner huuñ mujhe maar Dāliye

phir naam apnā qaum kā me.amār Dāliye

degrē ko merī lījiye āchār Dāliye

kuchh qaum kā bhalā ho to kuchh aap kā bhalā

merā bhalā ho kuchh mire maañ baap kā bhalā

jaatā hai jis jagah bhī koī third-divisioner

kahte haiñ sab ki aa gayā tū kis liye idhar

tū chal yahāñ se terī na hogī yahāñ guzar

lauh-e-jahāñ pe harf-e-mukarrar huuñ maiñ magar

''yā-rab zamāna mujh ko miTātā hai kis liye''

har shaḳhs mujh ko aañkh dikhātā hai kis liye

maiñ paas ho gayā huuñ magar phir bhī fail huuñ

ta.alīm ke idāroñ ke hāthoñ meñ khel huuñ

jis kā nishāna jaa.e ḳhatā vo ġhulail huuñ

maiñ ḳhaak meñ milā huā miTTī kā tel huuñ

aur university bhī nahīñ hai refinery

sūrat bhī tasfiye kī nahīñ koī zāhirī

aḳhbār maiñ ne dekhā to mujh par huā ayaañ

hote haiñ paas vo bhī na deñ jo ki imtihāñ

ya.anī ki honorary bhī miltī haiñ degrēyāñ

maiñ jis zamīñ pe pahuñchā vahīñ paayā āsmāñ

degrē hai ik gunāhoñ kī tahrīr mere saath

gar ho sake to maañg luuñ ik umr ko udhār

aur imtihān jis kā nahīñ koī e'tibār

us imtihāñ kī baazī lagā.ūñgā baar baar

kahte haiñ log is ko ye machhlī kā hai shikār

ye imtihān machhlī phañsāne kā jaal hai

''ālam tamām halqa-e-dām-e-ḳhayāl hai''

jine ki kashmakash mein na be-kar Daliye

main third-diwisioner hun mujhe mar Daliye

phir nam apna qaum ka meamar Daliye

degree ko meri lijiye aachaar Daliye

kuchh qaum ka bhala ho to kuchh aap ka bhala

mera bhala ho kuchh mere man bap ka bhala

jata hai jis jagah bhi koi third-diwisioner

kahte hain sab ki aa gaya tu kis liye idhar

tu chal yahan se teri na hogi yahan guzar

lauh-e-jahan pe harf-e-mukarrar hun main magar

ya-rab zamana mujh ko miTata hai kis liye

har shaKHs mujh ko aankh dikhata hai kis liye

main pas ho gaya hun magar phir bhi fail hun

talim ke idaron ke hathon mein khel hun

jis ka nishana jae KHata wo ghulail hun

main KHak mein mila hua miTTi ka tel hun

aur uniwersity bhi nahin hai refinery

surat bhi tasfiye ki nahin koi zahiri

aKHbar main ne dekha to mujh par hua ayan

hote hain pas wo bhi na den jo ki imtihan

yani ki honorary bhi milti hain degreeyan

main jis zamin pe pahuncha wahin paya aasman

degree hai ek gunahon ki tahrir mere sath

gar ho sake to mang lun ek umr ko udhaar

aur imtihan jis ka nahin koi e'tibar

us imtihan ki bazi lagaunga bar bar

kahte hain log is ko ye machhli ka hai shikar

ye imtihan machhli phansane ka jal hai

aalam tamam halqa-e-dam-e-KHayal hai