tisri aankh

Hasan Abbas Raza

tisri aankh

Hasan Abbas Raza

MORE BYHasan Abbas Raza

    to phir yuuñ huā

    ham shikasta-diloñ ne sipar Daal

    jitne nāvak-ba-dast apne ahbāb

    koh-e-vafā par khaḌe the

    hameñ un sabhī jigar-dāriyoñ

    be-ġharaz jur.atoñ par mukammal yaqīñ thā

    magar jāñ-nisārī ke is ma.arke meñ

    saf-e-ham-rahāñ ko palaT kar jo dekhā

    to koī nahīñ thā

    sabhī narġha-e-dushmanāñ meñ khaḌe the

    hujūm-e-kashīda-sarāñ

    pā-ba-zanjīr zer-e-nagīñ thā

    so phir yuuñ huā

    maqtaloñ taraf jab ravāna hue ham

    to saarī jabīnoñ pe nañgī ḳhajālat

    barahna nadāmat ke qatre juḌe the

    ham andhe sarāboñ ke lā-muntahā silsiloñ meñ khaḌe the

    hazar sā.atoñ

    thartharāte laboñ par

    faqat ḳhāmushī thī

    sitam tāziyānoñ ke qātil pharere

    fasīl-e-zabān-o-dahan par gaḌe the

    vo mausam kaḌe the

    to phir yuuñ huā

    ham darīda-badan

    dashna-e-qātilāñ hadaf ban ga.e

    qatra qatra hamārā chamaktā ga.e

    shahr-e-mehrbāñ ke dar-o-bām par

    jagmagāne lage

    tīsrī aañkh nāma-bar ham ko muzhda sunāne lagā

    to phir yun hua

    hum shikasta-dilon ne sipar Dal di

    jitne nawak-ba-dast apne ahbab

    koh-e-wafa par khaDe the

    hamein un sabhi ki jigar-dariyon

    be-gharaz juraton par mukammal yaqin tha

    magar jaan-nisari ke is marke mein

    saf-e-ham-rahan ko palaT kar jo dekha

    to koi nahin tha

    sabhi nargha-e-dushmanan mein khaDe the

    hujum-e-kashida-saran

    pa-ba-zanjir zer-e-nagin tha

    so phir yun hua

    maqtalon ki taraf jab rawana hue hum

    to sari jabinon pe nangi KHajalat

    barahna nadamat ke qatre juDe the

    hum andhe sarabon ke la-muntaha silsilon mein khaDe the

    hazar saaton

    thartharaate labon par

    faqat KHamushi thi

    sitam taziyanon ke qatil pharere

    fasil-e-zaban-o-dahan par gaDe the

    wo mausam kaDe the

    to phir yun hua

    hum darida-badan

    dashna-e-qatilan ka hadaf ban gae

    qatra qatra hamara chamakta gae

    shahr-e-mehrban ke dar-o-baam par

    jagmagane lage

    tisri aankh ka nama-bar hum ko muzhda sunane laga

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY