tisri sham

chal yahāñ se dil-e-nākām kahīñ duur chaleñ

mil gayā pyaar kā in'ām kahīñ duur chaleñ

koī hamdam koī dam-sāz nahīñ tere sivā

duur tak bhī koī āvāz nahīñ tere sivā

ai sharīk-e-ġham-o-ālām kahīñ duur chaleñ

chal yahāñ se dil-e-nākām kahīñ duur chaleñ

hañsne vaalā hai koī aur na rone vaalā

ḳhud hī ho jā.egā jo kuchh bhī hai hone vaalā

saath hai gardish-e-ayyām kahīñ duur chaleñ

chal yahāñ se dil-e-nākām kahīñ duur chaleñ

pyaar kī baat to kyā naam se Dar lagtā hai

kal jo guzrī hai usī shaam se Dar lagtā hai

phir na aa jaa.e vahī shaam kahīñ duur chaleñ

chal yahāñ se dil-e-nākām kahīñ duur chaleñ

koī is shahr meñ bastā hai luTeroñ ke sivā

kuchh dikhā.ī nahīñ detā hai añdheroñ ke sivā

chhoḌ ye shahr hai badnām kahīñ duur chaleñ

chal yahāñ se dil-e-nākām kahīñ duur chaleñ

ab ye bastī mujhe vīrān nazar aatī hai

jo bhī sūrat hai vo anjān nazar aatī hai

phir na aa.e koī ilzām kahīñ duur chaleñ

chal yahāñ se dil-e-nākām kahīñ duur chaleñ

ab to taskīn milegī kisī mai-ḳhāne meñ

duur ho jā.eñge ġham ek hī paimāne meñ

ab guzāreñge kahīñ shaam kahīñ duur chaleñ

chal yahāñ se dil-e-nākām kahīñ duur chaleñ

koī is shahr meñ apnā nazar aatā hī nahīñ

tū ne dekhā thā jo sapnā nazar aatā hī nahīñ

kitnā tārīk hai anjām kahīñ duur chaleñ

chal yahāñ se dil-e-nākām kahīñ duur chaleñ

baat chaltī hai hamesha yahāñ zardāroñ kī

koī suntā nahīñ muflis kī na nādāroñ kī

kar na Daale koī nīlām kahīñ duur chaleñ

chal yahāñ se dil-e-nākām kahīñ duur chaleñ

kisī kohsār kī āġhosh meñ gum ho jaa.eñ

niiñd aa jaa.e jo 'kāmil' to vahīñ so jaa.eñ

ab hameñ chāhiye ārām kahīñ duur chaleñ

chal yahāñ se dil-e-nākām kahīñ duur chaleñ

chal yahan se dil-e-nakaam kahin dur chalen

mil gaya pyar ka in'am kahin dur chalen

koi hamdam koi dam-saz nahin tere siwa

dur tak bhi koi aawaz nahin tere siwa

ai sharik-e-gham-o-alam kahin dur chalen

chal yahan se dil-e-nakaam kahin dur chalen

hansne wala hai koi aur na rone wala

KHud hi ho jaega jo kuchh bhi hai hone wala

sath hai gardish-e-ayyam kahin dur chalen

chal yahan se dil-e-nakaam kahin dur chalen

pyar ki baat to kya nam se Dar lagta hai

kal jo guzri hai usi sham se Dar lagta hai

phir na aa jae wahi sham kahin dur chalen

chal yahan se dil-e-nakaam kahin dur chalen

koi is shahr mein basta hai luTeron ke siwa

kuchh dikhai nahin deta hai andheron ke siwa

chhoD ye shahr hai badnam kahin dur chalen

chal yahan se dil-e-nakaam kahin dur chalen

ab ye basti mujhe viran nazar aati hai

jo bhi surat hai wo anjaan nazar aati hai

phir na aae koi ilzam kahin dur chalen

chal yahan se dil-e-nakaam kahin dur chalen

ab to taskin milegi kisi mai-KHane mein

dur ho jaenge gham ek hi paimane mein

ab guzarenge kahin sham kahin dur chalen

chal yahan se dil-e-nakaam kahin dur chalen

koi is shahr mein apna nazar aata hi nahin

tu ne dekha tha jo sapna nazar aata hi nahin

kitna tarik hai anjam kahin dur chalen

chal yahan se dil-e-nakaam kahin dur chalen

baat chalti hai hamesha yahan zardaron ki

koi sunta nahin muflis ki na nadaron ki

kar na Dale koi nilam kahin dur chalen

chal yahan se dil-e-nakaam kahin dur chalen

kisi kohsar ki aaghosh mein gum ho jaen

nind aa jae jo 'kaamil' to wahin so jaen

ab hamein chahiye aaram kahin dur chalen

chal yahan se dil-e-nakaam kahin dur chalen