inqilabi aurat

Fahmida Riaz

inqilabi aurat

Fahmida Riaz

MORE BYFahmida Riaz

    ranbhūmī meñ laḌte laḌte maiñ ne kitne saal

    ik din jal meñ chhāyā dekhī chaTTe ho ga.e baal

    pāpaḌ jaisī huiiñ haDDiyāñ jalne lage haiñ daañt

    jagah jagah jhurriyoñ se bhar ga.ī saare tan khaal

    dekh ke apnā haal huā phir us ko bahut malāl

    are maiñ buḌhiyā ho jā.ūñgī aayā na thā ḳhayāl

    us ne sochā

    gar phir se mil jaa.e javānī

    jis ko likhte haiñ dīvānī

    aur mastānī

    jis meñ us ne inqalāb laane Thānī

    vahī javānī

    ab baar nahīñ dūñgī koī qurbānī

    bas lā-haul paḌhūñgī aur nahīñ dūñgī koī qurbānī

    dil ne kahā

    kis soch meñ hai ai pāgal baḌhiyā

    kahāñ javānī

    ya.anī us ko guzre ab tak kaafī arsa biit chukā hai

    ye ḳhayāl bhī der se aayā

    bas ab ghar

    buḌhiyā ne kab us maanī

    hālāñki ab vo hai naanī

    zāhir hai ab aur vo kar bhī kyā saktī thī

    āsmān par lekin taare āñkh-micholī khel rahe the

    raat ke panchhī bol rahe the

    aur kahte the

    ye shāyad us aadat hai

    shāyad us fitrat hai

    ranbhumi mein laDte laDte main ne kitne sal

    ek din jal mein chhaya dekhi chaTTe ho gae baal

    papaD jaisi huin haDDiyan jalne lage hain dant

    jagah jagah jhurriyon se bhar gai sare tan ki khaal

    dekh ke apna haal hua phir us ko bahut malal

    are main buDhiya ho jaungi aaya na tha KHayal

    us ne socha

    gar phir se mil jae jawani

    jis ko likhte hain diwani

    aur mastani

    jis mein us ne inqalab lane ki Thani

    wahi jawani

    ab ki bar nahin dungi koi qurbani

    bas la-haul paDhungi aur nahin dungi koi qurbani

    dil ne kaha

    kis soch mein hai ai pagal baDhiya

    kahan jawani

    yani us ko guzre ab tak kafi arsa bit chuka hai

    ye KHayal bhi der se aaya

    bas ab ghar ja

    buDhiya ne kab us ki mani

    haalanki ab wo hai nani

    zahir hai ab aur wo kar bhi kya sakti thi

    aasman par lekin tare aankh-micholi khel rahe the

    raat ke panchhi bol rahe the

    aur kahte the

    ye shayad us ki aadat hai

    ya shayad us ki fitrat hai

    Tagged Under :

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY