haweli

MORE BYMakhdoom Mohiuddin

    ek bosīda havelī yaanī farsūda samāj

    le rahī hai naza.a ke aalam meñ murdoñ se ḳhirāj

    ik musalsal gard meñ Duube hue sab bām-o-dar

    jis taraf dekho añdherā jis taraf dekho khañDar

    maar o kajdum ke Thikāne jis dīvāroñ ke chaak

    uf ye raḳhne kis qadar tārīk kitne haul-nāk

    jin meñ rahte haiñ mahājan jin meñ baste haiñ amiir

    jin meñ kāshī ke barhaman jin meñ ka.abe ke faqīr

    rahzanoñ qasr-e-shūrā qātiloñ ḳhvāb-gāh

    khilkhilāte haiñ jarā.em jagmagāte haiñ gunāh

    jis jagah kaTtā hai sar insāf īmān

    roz o shab nīlām hotā hai jahāñ insān

    ziist ko dars-e-ajal detī hai jis bārgāh

    qahqaha ban kar nikaltī hai jahāñ har ek aah

    sīm-o-zar devtā jis kabhī sotā nahīñ

    zindagī bhuul kar jis guzar hotā nahīñ

    hañs rahā hai zindagī par is tarah maazī haal

    ḳhanda-zan ho jis tarah ismat pe qahba jamāl

    ek jānib haiñ vahīñ in be-navāoñ ke giroh

    haañ inhīñ be-nān o be-poshish gadāoñ ke giroh

    jin ke dil kuchle hue jin tamannā pā.emāl

    jhāñktā hai jin āñkhoñ se jahannam jalāl

    ai ḳhudā-e-do-jahāñ ai vo jo har ik dil meñ hai

    dekh tere haath shahkār kis manzil meñ hai

    jāntā huuñ maut ham-sāz o hamdam kaun hai

    kaun hai parvardigār-e-bazm-e-mātam kaun hai

    koḌh ke dhabbe chhupā saktā nahīñ malbūs-e-dīñ

    bhuuk ke shole bujh saktā nahīñ rūh-ul-amīñ

    ai javāñ-sāl-e-jahāñ jān-e-jahān-e-zindagī

    sārbān-e-zindagī rūh-e-ravān-e-zindagī!

    jis ke ḳhūn-e-garam se bazm-e-charāġhāñ zindagī

    jis ke firdausī tanaffus se gulistāñ zindagī

    bijliyāñ jis kanīzeñ zalzale jis ke safīr

    jis dil ḳhaibar-shikan jis nazar arjun tiir

    haañ vo naġhma chheḌ jis se muskurā.e zindagī

    to bajā-e-sāz-e-ulfat aur gaa.e zindagī

    aa inhīñ khañDaroñ pe āzādī parcham khol deñ

    aa inhīñ khañDaroñ pe āzādī parcham khol deñ

    ek bosida haweli yani farsuda samaj

    le rahi hai naza ke aalam mein murdon se KHiraj

    ek musalsal gard mein Dube hue sab baam-o-dar

    jis taraf dekho andhera jis taraf dekho khanDar

    mar o kajdum ke Thikane jis ki diwaron ke chaak

    uf ye raKHne kis qadar tarik kitne haul-nak

    jin mein rahte hain mahajan jin mein baste hain amir

    jin mein kashi ke barhaman jin mein kabe ke faqir

    rahzanon ka qasr-e-shura qatilon ki KHwab-gah

    khilkhilate hain jaraem jagmagate hain gunah

    jis jagah kaTta hai sar insaf ka iman ka

    roz o shab nilam hota hai jahan insan ka

    zist ko dars-e-ajal deti hai jis ki bargah

    qahqaha ban kar nikalti hai jahan har ek aah

    sim-o-zar ka dewta jis ja kabhi sota nahin

    zindagi ka bhul kar jis ja guzar hota nahin

    hans raha hai zindagi par is tarah mazi ka haal

    KHanda-zan ho jis tarah ismat pe qahba ka jamal

    ek jaanib hain wahin in be-nawaon ke giroh

    han inhin be-nan o be-poshish gadaon ke giroh

    jin ke dil kuchle hue jin ki tamanna paemal

    jhankta hai jin ki aankhon se jahannam ka jalal

    ai KHuda-e-do-jahan ai wo jo har ek dil mein hai

    dekh tere hath ka shahkar kis manzil mein hai

    jaanta hun maut ka ham-saz o hamdam kaun hai

    kaun hai parwardigar-e-bazm-e-matam kaun hai

    koDh ke dhabbe chhupa sakta nahin malbus-e-din

    bhuk ke shole bujh sakta nahin ruh-ul-amin

    ai jawan-sal-e-jahan jaan-e-jahan-e-zindagi

    sarban-e-zindagi ruh-e-rawan-e-zindagi!

    jis ke KHun-e-garam se bazm-e-charaghan zindagi

    jis ke firdausi tanaffus se gulistan zindagi

    bijliyan jis ki kanizen zalzale jis ke safir

    jis ka dil KHaibar-shikan jis ki nazar arjun ka tir

    han wo naghma chheD jis se muskurae zindagi

    to baja-e-saz-e-ulfat aur gae zindagi

    aa inhin khanDaron pe aazadi ka parcham khol den

    aa inhin khanDaron pe aazadi ka parcham khol den

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY