parinda kamre mein rah gaya

Sara Shagufta

parinda kamre mein rah gaya

Sara Shagufta

MORE BYSara Shagufta

    raat ne jab ghaḌiyoñ se vaqt uThā liyā

    ghanTī tez āvāz ne saare pardoñ rañg uḌā diyā

    kamre meñ chaar ādamiyoñ ne apnī apnī sāñseñ liiñ

    sāñseñ muḳhtalif rañgoñ meñ thiiñ

    ek aadmī purāne calender par nishān lagā rahā thā

    dūsrā nayā calender haath meñ maroḌ rahā thā

    tīsare chehra chauthe aadmī ke chehre par lag gayā thā

    aadmī tiin the

    ye tiin samteñ chaukor kamre ke ḳhālī kone ko

    dekh rahī thiiñ

    inhī tiin samtoñ ko kal saarā shahr banñā thā

    vo tīnoñ

    kamre ke tīnoñ konoñ meñ kar khaḌe ho ga.e

    aur sochne lage

    kis konā hai jo ḳhālī rah gayā hai

    achānak parda hilā

    aur ek parinda

    is kone meñ aa kar baiTh gayā

    tīnoñ ke muñh se niklā

    ma.asūm

    unheñ patā chalā ki vo tīnoñ vaqt qaid meñ the

    tīnoñ ne aag jalā.ī

    aur bole

    aag jalne tak ye samteñ hamārī raheñgī

    aag chauthe kone meñ lagā.ī ga.ī thī

    zindagī ke ruḳh baḌhte rahe the

    sūraj ne chaar kirneñ kamre ke andar pheñkīñ

    unhoñ ne pāñch pāñch gaz sunahrī-pan apne gird lapeTā

    sūraj tiin bāñheñ TuuT ga.iiñ

    unhoñ ne apnī ek ek uñglī kaaTī

    aur bole

    ''ham ne apnī uñgliyoñ se zindagī sukūt toḌā

    parinda kamre meñ rah gayā

    raat ne jab ghaDiyon se waqt uTha liya

    ghanTi ki tez aawaz ne sare pardon ka rang uDa diya

    kamre mein chaar aadamiyon ne apni apni sansen lin

    sansen muKHtalif rangon mein thin

    ek aadmi purane calender par nishan laga raha tha

    dusra naya calender hath mein maroD raha tha

    tisare ka chehra chauthe aadmi ke chehre par lag gaya tha

    aadmi tin the

    ye tin samten chaukor kamre ke KHali kone ko

    dekh rahi thin

    inhi tin samton ko kal sara shahr banna tha

    wo tinon

    kamre ke tinon konon mein ja kar khaDe ho gae

    aur sochne lage

    kis ka kona hai jo KHali rah gaya hai

    achanak parda hila

    aur ek parinda

    is kone mein aa kar baiTh gaya

    tinon ke munh se nikla

    masum

    unhen pata chala ki wo tinon waqt ki qaid mein the

    tinon ne aag jalai

    aur bole

    aag jalne tak ye samten hamari rahengi

    aag chauthe kone mein lagai gai thi

    zindagi ke ruKH baDhte ja rahe the

    suraj ne chaar kirnen kamre ke andar phenkin

    unhon ne panch panch gaz ka sunahri-pan apne gird lapeTa

    suraj ki tin banhen TuT gain

    unhon ne apni ek ek ungli kaTi

    aur bole

    ham ne apni ungliyon se zindagi ka sukut toDa

    parinda kamre mein rah gaya

    Source:

    • Book : Pakistani Adab (Pg. 152)
    • Author : Dr. Rashid Amjad
    • Publication : Pakistan Academy of Letters, Islambad, Pakistan (2009)
    • Edition : 2009
    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY