aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

tulu-e-islam

Allama Iqbal

tulu-e-islam

Allama Iqbal

MORE BYAllama Iqbal

    Interesting Fact

    From Part-3. 1908 (Bang-e-Dara)

    dalīl-e-sub.h-e-raushan hai sitāroñ tunuk-tābī

    ufuq se āftāb ubhrā gayā daur-e-girāñ-ḳhvābī

    urūq-murda-e-mashriq meñ ḳhūn-e-zindagī dauḌā

    samajh sakte nahīñ is raaz ko siinā o fārābī

    musalmāñ ko musalmāñ kar diyā tūfān-e-maġhrib ne

    talātum-hā-e-dariyā se hai gauhar sairābī

    atā momin ko phir dargāh-e-haq se hone vaalā hai

    shikoh-e-turkamānī zehn hindī nutq ārābī

    asar kuchh ḳhvāb ġhunchoñ meñ baaqī hai ai bulbul

    navā-rā talḳh-tarmī zan chū zauq-e-naġhma kam-yābī

    taḌap sehn-e-chaman meñ āshiyāñ meñ shāḳh-sāroñ meñ

    judā paare se ho saktī nahīñ taqdīr-e-sīmābī

    vo chashm-e-pāk haiñ kyuuñ zīnat-e-bar-gustavāñ dekhe

    nazar aatī hai jis ko mard-e-ġhāzī jigar-tābī

    zamīr-e-lāla meñ raushan charāġh-e-ārzū kar de

    chaman ke zarre zarre ko shahīd-e-justujū kar de

    sarishk-e-chashm-e-muslim meñ hai naisāñ asar paidā

    ḳhalīlullāh ke dariyā meñ hoñge phir guhar paidā

    kitāb-e-millat-e-baizā phir shīrāza-bandī hai

    ye shāḳh-e-hāshmī karne ko hai phir barg-o-bar paidā

    rabūd aañ turk shīrāzī dil-e-tabrez-o-kābul

    sabā kartī hai bū-e-gul se apnā ham-safar paidā

    agar usmāniyoñ par koh-e-ġham TuuTā to kyā ġham hai

    ki ḳhūn-e-sad-hazār-anjum se hotī hai sahar paidā

    jahāñbānī se hai dushvār-tar kār-e-jahāñ-bīnī

    jigar ḳhuuñ ho to chashm-e-dil meñ hotī hai nazar paidā

    hazāroñ saal nargis apnī be-nūrī pe rotī hai

    baḌī mushkil se hotā hai chaman meñ dīda-var paidā

    navā-pairā ho ai bulbul ki ho tere tarannum se

    kabūtar ke tan-e-nāzuk meñ shāhīñ jigar paidā

    tire siine meñ hai poshīda rāz-e-zindagī kah de

    musalmāñ se hadīs-e-soz-o-sāz-e-zindagī kah de

    ḳhudā-e-lam-yazal dast-e-qudrat zabāñ hai

    yaqīñ paidā kar ai ġhāfil ki maġhlūb-e-gumāñ hai

    pare hai charḳh-e-nīlī-fām se manzil musalmāñ

    sitāre jis gard-e-rāh hoñ vo kārvāñ to hai

    makāñ faanī makīñ faanī azal terā abad terā

    ḳhudā āḳhirī paiġhām hai jāvedāñ hai

    Hinā-band-e-urūs-e-lāla hai ḳhūn-e-jigar terā

    tirī nisbat barāhīmī hai memār-e-jahāñ hai

    tirī fitrat amiiñ hai mumkināt-e-zindagānī

    jahāñ ke jauhar-e-muzmar goyā imtihāñ to hai

    jahān-e-āb-o-gil se ālam-e-jāved ḳhātir

    nubuvvat saath jis ko le ga.ī vo armuġhāñ hai

    ye nukta sarguzisht-e-millat-e-baizā se hai paidā

    ki aqvām-e-zamīn-e-asia pāsbāñ hai

    sabaq phir paḌh sadāqat adālat shujā.at

    liyā jā.egā tujh se kaam duniyā imāmat

    yahī maqsūd-e-fitrat hai yahī ramz-e-musalmānī

    uḳhuvvat jahāñgīrī mohabbat farāvānī

    butān-e-rañg-o-ḳhūñ ko toḌ kar millat meñ gum ho

    na tūrānī rahe baaqī na īrānī na afġhānī

    miyān-e-shāḳh-sārāñ sohbat-e-murġh-e-chaman kab tak

    tire baazū meñ hai parvāz-e-shāhīn-e-qahastānī

    gumāñ-ābād hastī meñ yaqīñ mard-e-musalmāñ

    bayābāñ shab-e-tārīk meñ qindīl-e-rohbānī

    miTāyā qaisar o kisrā ke istibdād ko jis ne

    vo kyā thā zor-e-haidar faqr-e-bū-zar sidq-e-salmānī

    hue ahrār-e-millat jāda-paimā kis tajammul se

    tamāshā.ī shigāf-e-dar se haiñ sadiyoñ ke zindānī

    sabāt-e-zindagī īmān-e-mohkam se hai duniyā meñ

    ki almānī se bhī pā.enda-tar niklā hai tūrānī

    jab is añgāra-e-ḳhākī meñ hotā hai yaqīñ paidā

    to kar letā hai ye bāl-o-par-e-rūh-ul-amīñ paidā

    ġhulāmī meñ na kaam aatī haiñ shamshīreñ na tadbīreñ

    jo ho zauq-e-yaqīñ paidā to kaT jaatī haiñ zanjīreñ

    koī andāza kar saktā hai us ke zor-e-bāzū

    nigāh-e-mard-e-momin se badal jaatī haiñ taqdīreñ

    vilāyat pādshāhī ilm-e-ashiyā jahāñgīrī

    ye sab kyā haiñ faqat ik nukta-e-īmāñ tafsīreñ

    barāhīmī nazar paidā magar mushkil se hotī hai

    havas chhup chhup ke sīnoñ meñ banā letī hai tasvīreñ

    tamīz-e-bandā-o-āqā fasād-e-ādmiyat hai

    hazar ai chīra-dastāñ saḳht haiñ fitrat ta.azīreñ

    haqīqat ek hai har shai ḳhākī ho ki nuurī ho

    lahū ḳhurshīd Tapke agar zarre dil chīreñ

    yaqīñ mohkam amal paiham mohabbat fātah-e-ālam

    jihād-e-zindagānī meñ haiñ ye mardoñ shamshīreñ

    che bāyad mard tab-e-buland mashrab-e-nābe

    dil-e-garme nigāh-e-pāk-bīne jān-e-betābe

    uqābī shaan se jhapTe the jo be-bāl-o-par nikle

    sitāre shaam ke ḳhūn-e-shafaq meñ Duub kar nikle

    hue madfūn-e-dariyā zer-e-dariyā tairne vaale

    tamāñche mauj ke khāte the jo ban kar guhar nikle

    ġhubār-e-rahguzar haiñ kīmiyā par naaz thā jin ko

    jabīneñ ḳhaak par rakhte the jo iksīr-gar nikle

    hamārā narm-rau qāsid payām-e-zindagī laayā

    ḳhabar detī thiiñ jin ko bijliyāñ vo be-ḳhabar nikle

    haram rusvā huā pīr-e-haram kam-nigāhī se

    javānān-e-tatārī kis qadar sāhab-nazar nikle

    zamīñ se nūryān-e-āsmāñ-parvāz kahte the

    ye ḳhākī zinda-tar pā.enda-tar tābinda-tar nikle

    jahāñ meñ ahl-e-īmāñ sūrat-e-ḳhurshīd jiite haiñ

    idhar Duube udhar nikle udhar Duube idhar nikle

    yaqīñ afrād sarmāya-e-tāmīr-e-millat hai

    yahī quvvat hai jo sūrat-gar-e-taqdīr-e-millat hai

    rāz-e-kun-fakāñ hai apnī āñkhoñ par ayaañ ho

    ḳhudī rāz-dāñ ho ḳhudā tarjumāñ ho

    havas ne kar diyā hai TukḌe TukḌe nau-e-insāñ ko

    uḳhuvvat bayāñ ho mohabbat zabāñ ho

    ye hindī vo ḳhurāsānī ye afġhānī vo tūrānī

    ai sharminda-e-sāhil uchhal kar be-karāñ ho

    ġhubār-ālūda-e-rañg-o-nasab haiñ bāl-o-par tere

    ai murġh-e-haram uḌne se pahle par-fishāñ ho

    ḳhudī meñ Duub ġhāfil ye sirr-e-zindagānī hai

    nikal kar halqa-e-shām-o-sahar se jāvedāñ ho

    masāf-e-zindagī meñ sīrat-e-faulād paidā kar

    shabistān-e-mohabbat meñ harīr o parniyāñ ho

    guzar ban ke sail-e-tund-rau koh o bayābāñ se

    gulistāñ raah meñ aa.e to jū-e-naġhma-ḳhvāñ ho

    tire ilm o mohabbat nahīñ hai intihā koī

    nahīñ hai tujh se baḌh kar sāz-e-fitrat meñ navā koī

    abhī tak aadmī said-e-zabūn-e-shahryārī hai

    qayāmat hai ki insāñ nau-e-insāñ shikārī hai

    nazar ko ḳhīra kartī hai chamak tahzīb-e-hāzir

    ye sannā.ī magar jhūTe nigūñ reza-kārī hai

    vo hikmat naaz thā jis par ḳhirad-mandān-e-maġhrib ko

    havas ke panja-e-ḳhūnīñ meñ teġh-e-kār-zārī hai

    tadabbur fusūñ-kārī se mohkam ho nahīñ saktā

    jahāñ meñ jis tamaddun binā sarmāya-dārī hai

    amal se zindagī bantī hai jannat bhī jahannam bhī

    ye ḳhākī apnī fitrat meñ na nuurī hai na naarī hai

    ḳharosh-āmoz bulbul ho girah ġhunche kar de

    ki is gulsitāñ ke vāste bād-e-bahārī hai

    phir uTThī asia ke dil se chiñgārī mohabbat

    zamīñ jaulāñ-gah-e-atlas qabāyān-e-tatārī hai

    bayā paidā ḳharīdā raast jān-e-nā-tavān-e-rā

    pas az muddat guzār uftād barmā kārvāne

    bayā saaqī navā-e-murġh-zār az shāḳh-sār aamad

    bahār aamad nigār aamad nigār aamad qarār aamad

    kashīd abr-e-bahārī ḳhema andar vaadī o sahrā

    sadā-e-ābshārāñ az farāz-e-koh-sār aamad

    sarat gardam toham qānūn peshīñ saaz dah saaqī

    ki ḳhail-e-naġhma-pardāzāñ qatār andar qatār aamad

    kanār az zāhidāñ bar-gīr o bebākāna sāġhar-kash

    pas az muddat aziiñ shāḳh-e-kuhan bāñg-e-hazār aamad

    ba-mushtāqāñ hadīs-e-ḳhvājā-e-badro hunain aavar

    tasarruf-hā-e-pinhānash ba-chashm-e-āshkār aamad

    digar shāḳh-e-ḳhalīl az ḳhūn-e-mā namnāk gardad

    ba-bāzār-e-mohabbat naqd-e-mā kāmil ayyār aamad

    sar-e-ḳhāk-e-shahīre barg-hā-e-lāla pāsham

    ki ḳhūnash bā-nihāl-e-millat-e-mā sāzgār aamad

    bayā tā-gul bā-afmaishānīm o mai dar sāġhar andāzem

    falak saqf ba-shagāfem o tarh-e-dīgar andāzem

    dalil-e-subh-e-raushan hai sitaron ki tunuk-tabi

    ufuq se aaftab ubhra gaya daur-e-giran-KHwabi

    uruq-murda-e-mashriq mein KHun-e-zindagi dauDa

    samajh sakte nahin is raaz ko sina o farabi

    musalman ko musalman kar diya tufan-e-maghrib ne

    talatum-ha-e-dariya hi se hai gauhar ki sairabi

    ata momin ko phir dargah-e-haq se hone wala hai

    shikoh-e-turkamani zehn hindi nutq aarabi

    asar kuchh KHwab ka ghunchon mein baqi hai tu ai bulbul

    nawa-ra talKH-tarmi zan chu zauq-e-naghma kam-yabi

    taDap sehn-e-chaman mein aashiyan mein shaKH-saron mein

    juda pare se ho sakti nahin taqdir-e-simabi

    wo chashm-e-pak hain kyun zinat-e-bar-gustawan dekhe

    nazar aati hai jis ko mard-e-ghazi ki jigar-tabi

    zamir-e-lala mein raushan charagh-e-arzu kar de

    chaman ke zarre zarre ko shahid-e-justuju kar de

    sarishk-e-chashm-e-muslim mein hai naisan ka asar paida

    KHalilullah ke dariya mein honge phir guhar paida

    kitab-e-millat-e-baiza ki phir shiraaza-bandi hai

    ye shaKH-e-hashmi karne ko hai phir barg-o-bar paida

    rabud aan turk shiraazi dil-e-tabrez-o-kabul ra

    saba karti hai bu-e-gul se apna ham-safar paida

    agar usmaniyon par koh-e-gham TuTa to kya gham hai

    ki KHun-e-sad-hazar-anjum se hoti hai sahar paida

    jahanbani se hai dushwar-tar kar-e-jahan-bini

    jigar KHun ho to chashm-e-dil mein hoti hai nazar paida

    hazaron sal nargis apni be-nuri pe roti hai

    baDi mushkil se hota hai chaman mein dida-war paida

    nawa-paira ho ai bulbul ki ho tere tarannum se

    kabutar ke tan-e-nazuk mein shahin ka jigar paida

    tere sine mein hai poshida raaz-e-zindagi kah de

    musalman se hadis-e-soz-o-saz-e-zindagi kah de

    KHuda-e-lam-yazal ka dast-e-qudrat tu zaban tu hai

    yaqin paida kar ai ghafil ki maghlub-e-guman tu hai

    pare hai charKH-e-nili-fam se manzil musalman ki

    sitare jis ki gard-e-rah hon wo karwan to hai

    makan fani makin fani azal tera abad tera

    KHuda ka aaKHiri paigham hai tu jawedan tu hai

    Hina-band-e-urus-e-lala hai KHun-e-jigar tera

    teri nisbat barahimi hai memar-e-jahan tu hai

    teri fitrat amin hai mumkinat-e-zindagani ki

    jahan ke jauhar-e-muzmar ka goya imtihan to hai

    jahan-e-ab-o-gil se aalam-e-jawed ki KHatir

    nubuwwat sath jis ko le gai wo armughan tu hai

    ye nukta sarguzisht-e-millat-e-baiza se hai paida

    ki aqwam-e-zamin-e-asia ka pasban tu hai

    sabaq phir paDh sadaqat ka adalat ka shujaat ka

    liya jaega tujh se kaam duniya ki imamat ka

    yahi maqsud-e-fitrat hai yahi ramz-e-musalmani

    uKHuwwat ki jahangiri mohabbat ki farawani

    butan-e-rang-o-KHun ko toD kar millat mein gum ho ja

    na turani rahe baqi na irani na afghani

    miyan-e-shaKH-saran sohbat-e-murgh-e-chaman kab tak

    tere bazu mein hai parwaz-e-shahin-e-qahastani

    guman-abaad hasti mein yaqin mard-e-musalman ka

    bayaban ki shab-e-tarik mein qindil-e-rohbani

    miTaya qaisar o kisra ke istibdad ko jis ne

    wo kya tha zor-e-haidar faqr-e-bu-zar sidq-e-salmani

    hue ahrar-e-millat jada-paima kis tajammul se

    tamashai shigaf-e-dar se hain sadiyon ke zindani

    sabaat-e-zindagi iman-e-mohkam se hai duniya mein

    ki almani se bhi paenda-tar nikla hai turani

    jab is angara-e-KHaki mein hota hai yaqin paida

    to kar leta hai ye baal-o-par-e-ruh-ul-amin paida

    ghulami mein na kaam aati hain shamshiren na tadbiren

    jo ho zauq-e-yaqin paida to kaT jati hain zanjiren

    koi andaza kar sakta hai us ke zor-e-bazu ka

    nigah-e-mard-e-momin se badal jati hain taqdiren

    wilayat padshahi ilm-e-ashiya ki jahangiri

    ye sab kya hain faqat ek nukta-e-iman ki tafsiren

    barahimi nazar paida magar mushkil se hoti hai

    hawas chhup chhup ke sinon mein bana leti hai taswiren

    tamiz-e-banda-o-aqa fasad-e-admiyat hai

    hazar ai chira-dastan saKHt hain fitrat ki taziren

    haqiqat ek hai har shai ki KHaki ho ki nuri ho

    lahu KHurshid ka Tapke agar zarre ka dil chiren

    yaqin mohkam amal paiham mohabbat fatah-e-alam

    jihad-e-zindagani mein hain ye mardon ki shamshiren

    che bayad mard ra tab-e-buland mashrab-e-nabe

    dil-e-garme nigah-e-pak-bine jaan-e-betabe

    uqabi shan se jhapTe the jo be-baal-o-par nikle

    sitare sham ke KHun-e-shafaq mein Dub kar nikle

    hue madfun-e-dariya zer-e-dariya tairne wale

    tamanche mauj ke khate the jo ban kar guhar nikle

    ghubar-e-rahguzar hain kimiya par naz tha jin ko

    jabinen KHak par rakhte the jo iksir-gar nikle

    hamara narm-rau qasid payam-e-zindagi laya

    KHabar deti thin jin ko bijliyan wo be-KHabar nikle

    haram ruswa hua pir-e-haram ki kam-nigahi se

    jawanan-e-tatari kis qadar sahab-nazar nikle

    zamin se nuryan-e-asman-parwaz kahte the

    ye KHaki zinda-tar paenda-tar tabinda-tar nikle

    jahan mein ahl-e-iman surat-e-KHurshid jite hain

    idhar Dube udhar nikle udhar Dube idhar nikle

    yaqin afrad ka sarmaya-e-tamir-e-millat hai

    yahi quwwat hai jo surat-gar-e-taqdir-e-millat hai

    tu raaz-e-kun-fakan hai apni aankhon par ayan ho ja

    KHudi ka raaz-dan ho ja KHuda ka tarjuman ho ja

    hawas ne kar diya hai TukDe TukDe nau-e-insan ko

    uKHuwwat ka bayan ho ja mohabbat ki zaban ho ja

    ye hindi wo KHurasani ye afghani wo turani

    tu ai sharminda-e-sahil uchhal kar be-karan ho ja

    ghubar-aluda-e-rang-o-nasab hain baal-o-par tere

    tu ai murgh-e-haram uDne se pahle par-fishan ho ja

    KHudi mein Dub ja ghafil ye sirr-e-zindagani hai

    nikal kar halqa-e-sham-o-sahar se jawedan ho ja

    masaf-e-zindagi mein sirat-e-faulad paida kar

    shabistan-e-mohabbat mein harir o parniyan ho ja

    guzar ja ban ke sail-e-tund-rau koh o bayaban se

    gulistan rah mein aae to ju-e-naghma-KHwan ho ja

    tere ilm o mohabbat ki nahin hai intiha koi

    nahin hai tujh se baDh kar saz-e-fitrat mein nawa koi

    abhi tak aadmi said-e-zabun-e-shahryari hai

    qayamat hai ki insan nau-e-insan ka shikari hai

    nazar ko KHira karti hai chamak tahzib-e-hazir ki

    ye sannai magar jhuTe nigun ki reza-kari hai

    wo hikmat naz tha jis par KHirad-mandan-e-maghrib ko

    hawas ke panja-e-KHunin mein tegh-e-kar-zari hai

    tadabbur ki fusun-kari se mohkam ho nahin sakta

    jahan mein jis tamaddun ki bina sarmaya-dari hai

    amal se zindagi banti hai jannat bhi jahannam bhi

    ye KHaki apni fitrat mein na nuri hai na nari hai

    KHarosh-amoz bulbul ho girah ghunche ki wa kar de

    ki tu is gulsitan ke waste baad-e-bahaari hai

    phir uTThi asia ke dil se chingari mohabbat ki

    zamin jaulan-gah-e-atlas qabayan-e-tatari hai

    baya paida KHarida rast jaan-e-na-tawan-e-ra

    pas az muddat guzar uftad barma karwane ra

    baya saqi nawa-e-murgh-zar az shaKH-sar aamad

    bahaar aamad nigar aamad nigar aamad qarar aamad

    kashid abr-e-bahaari KHema andar wadi o sahra

    sada-e-abshaaran az faraaz-e-koh-sar aamad

    sarat gardam toham qanun peshin saz dah saqi

    ki KHail-e-naghma-pardazan qatar andar qatar aamad

    kanar az zahidan bar-gir o bebakana saghar-kash

    pas az muddat azin shaKH-e-kuhan bang-e-hazar aamad

    ba-mushtaqan hadis-e-KHwaja-e-badro hunain aawar

    tasarruf-ha-e-pinhanash ba-chashm-e-ashkar aamad

    digar shaKH-e-KHalil az KHun-e-ma namnak mi gardad

    ba-bazar-e-mohabbat naqd-e-ma kaamil ayyar aamad

    sar-e-KHak-e-shahire barg-ha-e-lala mi pasham

    ki KHunash ba-nihaal-e-millat-e-ma sazgar aamad

    baya ta-gul ba-afmaishanim o mai dar saghar andazem

    falak ra saqf ba-shagafem o tarh-e-digar andazem

    Videos
    This video is playing from YouTube

    Videos
    This video is playing from YouTube

    Ghulam Ali

    Ghulam Ali

    RECITATIONS

    Nomaan Shauque

    Nomaan Shauque,

    Nomaan Shauque

    tulu-e-islam Nomaan Shauque

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Jashn-e-Rekhta | 8-9-10 December 2023 - Major Dhyan Chand National Stadium, Near India Gate - New Delhi

    GET YOUR PASS
    Speak Now