tum hanste kyun ho

kyā ab raat aise hī

guzar jā.egī

ye raat hī to hai

jo tahlīl ho jaatī hai ek nuqte meñ

aur ghūmtī hai

mere gird kaale bhinbhināte hue

bhañvre kī tarah

vo mere kānoñ mirī āñkhoñ

merī gardan aur mere ro.eñ ro.eñ meñ

bhinbhinātī hai

merī baġhloñ ke bāloñ se ulajhtī huī

mere jism ke kone khudroñ meñ

gudgudātī huī

ye raat mere uupar phail jaatī hai

achānak

oḌh letī hai mujhe

mere jism kī por por meñ

ek jal-tarañg chheḌ detī hai

maiñ niiñd meñ uThtī huuñ

mirā halq ḳhushk ho rahā hai

paanī kā ek gilās ThanDā yaḳh

mere hoñToñ mere halq mere siine

ko tar kartā huā

mere jism kī jal-tarañg meñ mil jaatā hai

maiñ darvāze par dastak detī huuñ

tum sun rahe ho

raat kī jal-tarañg mere jism se

phuuT rahī hai

darvāza khultā hai

maiñ tumhāre aadhe nañge badan ko

daboch letī huuñ

tumhārī naaf ke gaḌhe meñ

naak kī nok ghuseḌtī huuñ

tum muskurā rahe ho

raat kī sharārat mere jism par

phaile hue dekh kar

tum hañste

raat konoñ khudroñ meñ phail rahī hai

maiñ tumhāre kapḌe utaar detī huuñ

aur vo khel kheltī huuñ

jo raat mere saath khel rahī thī

maiñ tumhāre jism ke gird

apnī zabān apne dāñtoñ aur nāḳhunoñ ke saath

bhinbhināne lagtī huuñ

tum muskurā rahe ho

tumhārī muskurāhaT

mere jism kī poroñ ko aur khol rahī hai

maiñ zaḳhmī kar detī huuñ tumheñ

tum hañs rahe ho

raat ke paroñ pe savār bhañvre kī tarah

mujhe bhinbhināte dekh kar

tumhārī kushāda āñkhoñ ke kone

phailne lagte haiñ

tumhārā jism akaḌ jaatā hai

nahīñ aaj tum

tum khilkhilāte ho

maiñ tumhāre akḌe hue jism par

apnī khulī huī poroñ ko rakh detī huuñ

tumhārā jism raat ke jhaag se bhar jaatā hai

tum hañste ho

hañste hī rahte ho

kya ab raat aise hi

guzar jaegi

ye raat hi to hai

jo tahlil ho jati hai ek nuqte mein

aur ghumti hai

mere gird kale bhinbhinate hue

bhanwre ki tarah

wo mere kanon meri aankhon

meri gardan aur mere roen roen mein

bhinbhinati hai

meri baghlon ke baalon se ulajhti hui

mere jism ke kone khudron mein

gudgudati hui

ye raat mere upar phail jati hai

achanak

oDh leti hai mujhe

mere jism ki por por mein

ek jal-tarang chheD deti hai

main nind mein uThti hun

mera halq KHushk ho raha hai

pani ka ek gilas ThanDa yaKH

mere honTon mere halq mere sine

ko tar karta hua

mere jism ki jal-tarang mein mil jata hai

main darwaze par dastak deti hun

tum sun rahe ho

raat ki jal-tarang mere jism se

phuT rahi hai

darwaza khulta hai

main tumhaare aadhe nange badan ko

daboch leti hun

tumhaari naf ke gaDhe mein

nak ki nok ghuseDti hun

tum muskura rahe ho

raat ki shararat mere jism par

phaile hue dekh kar

tum hanste

raat konon khudron mein phail rahi hai

main tumhaare kapDe utar deti hun

aur wo khel khelti hun

jo raat mere sath khel rahi thi

main tumhaare jism ke gird

apni zaban apne danton aur naKHunon ke sath

bhinbhinane lagti hun

tum muskura rahe ho

tumhaari muskurahaT

mere jism ki poron ko aur khol rahi hai

main zaKHmi kar deti hun tumhein

tum hans rahe ho

raat ke paron pe sawar bhanwre ki tarah

mujhe bhinbhinate dekh kar

tumhaari kushada aankhon ke kone

phailne lagte hain

tumhaara jism akaD jata hai

nahin aaj tum

tum khilkhilate ho

main tumhaare akDe hue jism par

apni khuli hui poron ko rakh deti hun

tumhaara jism raat ke jhag se bhar jata hai

tum hanste ho

hanste hi rahte ho