tum kahte ho

Arifa Shahzad

tum kahte ho

Arifa Shahzad

MORE BY Arifa Shahzad

    log nahīñ kahte

    ki tum nahīñ dekh sakte

    āñkhoñ bosīda shāḳhoñ se phūTtī haryāval

    log nahīñ kahte

    ki tum nahīñ sun sakte

    tārīkī sarmast giit

    log nahīñ kahte

    ki tum nahīñ chakh sakte

    zabān meñ jāgte māvarā.ī zā.iqe

    log nahīñ kahte

    ki tum nahīñ sūñgh sakte

    bosoñ meñ mahaktī halāvat

    log nahīñ kahte

    ki tum nahīñ chhū sakte

    lahaktī havā badan

    log nahīñ kahte

    kuchh bhī nahīñ kahte

    bas vo vahī sunñā chāhte haiñ

    jo tum kahte ho

    vo sunte haiñ aur

    tum aur bhī sarpaT bhāgne lagte ho

    na.ī kahāniyoñ sūñghte

    pārsā.ī ke Dhol thaap par

    nāchte nāchte

    tum samāñ bāñdh sakte ho

    magar kaun dekhtā hai

    log to kab ke samā.at meñ Dhal chuke

    sirf tumhārā dahāna khulā hai

    mastūr mohabbatoñ ke raaz ugalte ugalte

    tum zabān se Tapaktī raal poñchhnā bhuul ga.e ho

    bāchhoñ se kaf uḌāte uḌāte

    rānoñ ke beach dam toḌtī ḳhvāhishoñ gor-kanī tumhārā muqaddar ho ga.ī hai

    dekh sakte ho to dekho

    kahāniyoñ ke qadmoñ raftār meñ

    koī farq nahīñ aayā

    log nahin kahte

    ki tum nahin dekh sakte

    aankhon ki bosida shaKHon se phuTti haryawal

    log nahin kahte

    ki tum nahin sun sakte

    tariki ka sarmast git

    log nahin kahte

    ki tum nahin chakh sakte

    zaban mein jagte mawarai zaiqe

    log nahin kahte

    ki tum nahin sungh sakte

    boson mein mahakti halawat

    log nahin kahte

    ki tum nahin chhu sakte

    lahakti hawa ka badan

    log nahin kahte

    kuchh bhi nahin kahte

    bas wo wahi sunna chahte hain

    jo tum kahte ho

    wo sunte hain aur

    tum aur bhi sarpaT bhagne lagte ho

    nai kahaniyon ki bu sunghte

    parsai ke Dhol ki thap par

    nachte nachte

    tum saman bandh sakte ho

    magar kaun dekhta hai

    log to kab ke samaat mein Dhal chuke

    sirf tumhaara dahana khula hai

    mastur mohabbaton ke raaz ugalte ugalte

    tum zaban se Tapakti ral ponchhna bhul gae ho

    bachhon se kaf uDate uDate

    ranon ke beach dam toDti KHwahishon ki gor-kani tumhaara muqaddar ho gai hai

    dekh sakte ho to dekho

    kahaniyon ke qadmon ki raftar mein

    koi farq nahin aaya

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY