tum udas mat hona

gar kabhī koī lamha aisā zaḳhm de jaa.e

ki koī bhī marham is zaḳhm ko na bhar paa.e

tum udaas mat honā

mahv-e-yās mat honā

zindagī ke sab mausam ek se nahīñ hote

saare log ai hamdam ek se nahīñ hote

zindagī kī rāhoñ meñ hādse bhī aate haiñ

sānehe bhī aate haiñ

sānehoñ se kuchh baḌh kar vāqiye bhī aate haiñ

vaqt hī ke marham se zaḳhm bhar bhī jaate haiñ

din bure hoñ yā achchhe bas guzar hī jaate haiñ

vaqt ko guzarnā hai

zaḳhm ko bhī bharnā hai

dard ke chaḌhe dariyā

ko abhī utarnā hai

tum udaas mat honā

mahv-e-yās mat honā

gar kabhi koi lamha aisa zaKHm de jae

ki koi bhi marham is zaKHm ko na bhar pae

tum udas mat hona

mahw-e-yas mat hona

zindagi ke sab mausam ek se nahin hote

sare log ai hamdam ek se nahin hote

zindagi ki rahon mein hadse bhi aate hain

sanehe bhi aate hain

sanehon se kuchh baDh kar waqiye bhi aate hain

waqt hi ke marham se zaKHm bhar bhi jate hain

din bure hon ya achchhe bas guzar hi jate hain

waqt ko guzarna hai

zaKHm ko bhi bharna hai

dard ke chaDhe dariya

ko abhi utarna hai

tum udas mat hona

mahw-e-yas mat hona