tumhaara shahr

Ali Sardar Jafri

tumhaara shahr

Ali Sardar Jafri

MORE BY Ali Sardar Jafri

    tumhārā shahr tumhāre badan ḳhushbū se

    mahak rahā thaa, har ik baam tum se raushan thā

    havā tumhārī tarah har ravish pe chaltī thī

    tumhāre hoñToñ se hañstī thiiñ narm-lab kaliyāñ

    atā huī thī sahar ko tumhārī sīm-tanī

    milī thī shaam o shafaq ko tumhārī gul-badanī

    tumhārā naam tasavvur bhī thaa, taḳhayyul bhī

    yaqīñ bhii, shauq bhii, ummīd bhii, tamannā bhī

    sajī thī zulf-e-javāñ aarzū ke phūloñ se

    umīd-vār the har samt āshiqoñ ke giroh

    magar ye kyā hai ki har kūcha aaj vīrāñ hai

    galī galī meñ haiñ faulād-pā siyah ifrīt

    chaman chaman meñ saḌī laash ta.affun hai

    havā.eñ garm haiñ bārūd añdherā hai

    ḳhabar nahīñ ki yahāñ se kidhar ko jaanā hai

    tumhārā shahr, tumhāre badan ḳhushbū ko

    taras rahā hai, har ik baam tīra-e-sāmāñ hai

    na raushnī hai, na nik.hat, na naġhma hai, na navā

    har ik ravish pe havā chal rahī hai nauha-kunāñ

    sahar gul-badanī hai lahū pairāhan

    na shaam hai na sahar sirf ik siyāh kafan

    tumhāre shahr uryāniyoñ ko Dhāñptā hai

    ḳhabar nahīñ ki yahāñ se kidhar ko jaanā hai

    vo ik julūs ik moḌ par nazar aayā

    koī aziim janāza guzarne vaalā hai

    havā meñ nāla-o-fariyād hai kaifiyat

    har ek aañkh meñ āñsū, har ek hoñT pe aah

    diloñ nauha-e-ġham siskiyoñ meñ Dhaltā hai

    vo dard hai ki koī khul ke ro nahīñ saktā

    magar janāza kahīñ bhī nazar nahīñ aatā

    kafan-farosh bhī haiñ, gorkan bhī haiñ lekin

    koī batā nahīñ saktā ki kis mayyat hai

    koī batā nahīñ saktā kidhar gayā tābūt

    koī batā nahīñ saktā kahāñ hai qabristān

    chalo qarīb se dekheñ ye bad-nasīb haiñ kaun

    clerk haiñ jo abhī daftaroñ se nikle haiñ

    tamām ek shakleñ haiñ hindisoñ tarah

    kisān haiñ jo abhī ketiyoñ se palTe haiñ

    nikal ke aa.e haiñ mazdūr kār-ḳhānoñ se

    aur un pusht pe afsurda kholiyoñ qatār

    suroñ pe uḌte dhueñ ke siyāh-rañg alam

    barhana bachchoñ ke rone dardnāk sadā

    julūs-e-ġham hai janāza ba-dosh chaltā hai

    magar janāza kidhar hai nazar nahīñ aatā

    ḳhabar nahīñ ki yahāñ se kidhar ko jaanā hai

    tumhaara shahr tumhaare badan ki KHushbu se

    mahak raha tha, har ek baam tum se raushan tha

    hawa tumhaari tarah har rawish pe chalti thi

    tumhaare honTon se hansti thin narm-lab kaliyan

    ata hui thi sahar ko tumhaari sim-tani

    mili thi sham o shafaq ko tumhaari gul-badani

    tumhaara nam tasawwur bhi tha, taKHayyul bhi

    yaqin bhi, shauq bhi, ummid bhi, tamanna bhi

    saji thi zulf-e-jawan aarzu ke phulon se

    umid-war the har samt aashiqon ke giroh

    magar ye kya hai ki har kucha aaj viran hai

    gali gali mein hain faulad-pa siyah ifrit

    chaman chaman mein saDi lash ka taffun hai

    hawaen garm hain barud ka andhera hai

    KHabar nahin ki yahan se kidhar ko jaana hai

    tumhaara shahr, tumhaare badan ki KHushbu ko

    taras raha hai, har ek baam tira-e-saman hai

    na raushni hai, na nikhat, na naghma hai, na nawa

    har ek rawish pe hawa chal rahi hai nauha-kunan

    sahar ki gul-badani hai lahu ka pairahan

    na sham hai na sahar sirf ek siyah kafan

    tumhaare shahr ki uryaniyon ko Dhanpta hai

    KHabar nahin ki yahan se kidhar ko jaana hai

    wo ek julus sa ek moD par nazar aaya

    koi azim janaza guzarne wala hai

    hawa mein nala-o-fariyaad ki hai kaifiyat

    har ek aankh mein aansu, har ek honT pe aah

    dilon ka nauha-e-gham siskiyon mein Dhalta hai

    wo dard hai ki koi khul ke ro nahin sakta

    magar janaza kahin bhi nazar nahin aata

    kafan-farosh bhi hain, gorkan bhi hain lekin

    koi bata nahin sakta ki kis ki mayyat hai

    koi bata nahin sakta kidhar gaya tabut

    koi bata nahin sakta kahan hai qabristan

    chalo qarib se dekhen ye bad-nasib hain kaun

    clerk hain jo abhi daftaron se nikle hain

    tamam ek si shaklen hain hindison ki tarah

    kisan hain jo abhi ketiyon se palTe hain

    nikal ke aae hain mazdur kar-KHanon se

    aur un ki pusht pe afsurda kholiyon ki qatar

    suron pe uDte dhuen ke siyah-rang alam

    barhana bachchon ke rone ki dardnak sada

    julus-e-gham hai janaza ba-dosh chalta hai

    magar janaza kidhar hai nazar nahin aata

    KHabar nahin ki yahan se kidhar ko jaana hai

    Source:

    • Book : Ek Khvab aur (Pg. 18)
    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY