tumhaari aankhen

tumhārī āñkheñ tum vahīñ to baste ho

ek jism ko duniyā ne tumhārā naam diyā

tumheñ paayā tumhārī āñkhoñ meñ hai maiñ ne

un do palkoñ ne chhuā hai mujhe

tumhārī uñgliyoñ ke jāduī sparsh sī

mere chehre kī narm gulābī galiyoñ meñ khoī

merī zulfoñ meñ uljhī huī resham se tar-ba-tar ye āñkheñ

kabhī hoñTh ban kar tumhārī sāñsoñ kī aahaT ko

chupke se mere kānoñ meñ rakh jaatī hai

tumhāre zehn meñ panap rahe har

nāzuk jazbāt kī ḳhushbū hai tumhārī āñkheñ

mere kāñpte hoñToñ pe tumhāre hoñToñ ke

nishān hai tumhārī āñkheñ

vahī to hai jo hatheliyāñ ban kar mazbūtī se

merā haath thāme hue hai ab tak

tumhāre dil sī dhaḌaktī hai tumhārī āñkheñ

mere ashkoñ kā har ek qatra

un kī namī meñ Duub kar ek ho jaatā hai

raat ke sannāTe meñ mazbūt bāheñ ban kar

apnī ThanDak meñ sulā detī hai

tumhāre qadam ban kar saath chalī hai jaise tum chalte

us ne luuTā nahīñ lauTāyā hai mujhe apne aap ko

in āñkhoñ meñ ek ghar basāyā hai maiñ ne

tumhāre jism meñ juḌī hai magar

merī hai tumhārī āñkheñ

tumhaari aankhen tum wahin to baste ho

ek jism ko duniya ne tumhaara nam diya

tumhein paya tumhaari aankhon mein hai main ne

un do palkon ne chhua hai mujhe

tumhaari ungliyon ke jadui sparsh si

mere chehre ki narm gulabi galiyon mein khoi

meri zulfon mein uljhi hui resham se tar-ba-tar ye aankhen

kabhi honTh ban kar tumhaari sanson ki aahaT ko

chupke se mere kanon mein rakh jati hai

tumhaare zehn mein panap rahe har

nazuk jazbaat ki KHushbu hai tumhaari aankhen

mere kanpte honTon pe tumhaare honTon ke

nishan hai tumhaari aankhen

wahi to hai jo hatheliyan ban kar mazbuti se

mera hath thame hue hai ab tak

tumhaare dil si dhaDakti hai tumhaari aankhen

mere ashkon ka har ek qatra

un ki nami mein Dub kar ek ho jata hai

raat ke sannaTe mein mazbut bahen ban kar

apni ThanDak mein sula deti hai

tumhaare qadam ban kar sath chali hai jaise tum chalte

us ne luTa nahin lauTaya hai mujhe apne aap ko

in aankhon mein ek ghar basaya hai main ne

tumhaare jism mein juDi hai magar

meri hai tumhaari aankhen