Font by Mehr Nastaliq Web

aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

tu hindu banega na musalman banega

Sahir Ludhianvi

tu hindu banega na musalman banega

Sahir Ludhianvi

MORE BYSahir Ludhianvi

    hindū banegā na musalmān banegā

    insān aulād hai insān banegā

    achchhā hai abhī tak terā kuchh naam nahīñ hai

    tujh ko kisī maz.hab se koī kaam nahīñ hai

    jis ilm ne insānoñ ko taqsīm kiyā hai

    is ilm tujh par koī ilzām nahīñ hai

    badle hue vaqt pahchān banegā

    insān aulād hai insān banegā

    mālik ne har insān ko insān banāyā

    ham ne ise hindū musalmān banāyā

    qudrat ne to baḳhshī thī hameñ ek dhartī

    ham ne kahīñ bhārat kahīñ īrān banāyā

    jo toḌ de har band vo tūfān banegā

    insān aulād hai insān banegā

    nafrat jo sikhā.e vo dharam terā nahīñ hai

    insāñ ko jo rauñde vo qadam terā nahīñ hai

    qur.ān na ho jis meñ vo mandir nahīñ terā

    giitā na ho jis meñ vo haram terā nahīñ hai

    amn aur sulh armān banegā

    insān aulād hai insān banegā

    tu hindu banega na musalman banega

    insan ki aulad hai insan banega

    achchha hai abhi tak tera kuchh nam nahin hai

    tujh ko kisi mazhab se koi kaam nahin hai

    jis ilm ne insanon ko taqsim kiya hai

    is ilm ka tujh par koi ilzam nahin hai

    tu badle hue waqt ki pahchan banega

    insan ki aulad hai insan banega

    malik ne har insan ko insan banaya

    hum ne ise hindu ya musalman banaya

    qudrat ne to baKHshi thi hamein ek hi dharti

    hum ne kahin bhaarat kahin iran banaya

    jo toD de har band wo tufan banega

    insan ki aulad hai insan banega

    nafrat jo sikhae wo dharam tera nahin hai

    insan ko jo raunde wo qadam tera nahin hai

    quran na ho jis mein wo mandir nahin tera

    gita na ho jis mein wo haram tera nahin hai

    tu amn ka aur sulh ka arman banega

    insan ki aulad hai insan banega

    Source:

    Kulliyat-e-Sahir Ludhianvi (Pg. 501)

    • Author: SAHIR LUDHIANVI
      • Publisher: Farid Book Depot (Pvt.) Ltd
    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Jashn-e-Rekhta | 8-9-10 December 2023 - Major Dhyan Chand National Stadium, Near India Gate - New Delhi

    GET YOUR PASS
    Speak Now