tur

MORE BYMakhdoom Mohiuddin

    yahīñ thī mohabbat ke sabaq ibtidā maiñ ne

    yahīñ jur.at-e-iz.hār-e-harf-e-mudda.ā maiñ ne

    yahīñ dekhe the ishva-e-nāz o andāz-e-hayā maiñ ne

    yahīñ pahle sunī thī dil dhaḌakne sadā maiñ ne

    yahīñ khetoñ meñ paanī ke kināre yaad hai ab bhī

    diloñ meñ azhdahām-e-ārzū lab band rahte the

    nazar se guftugū hotī thī dam ulfat bharte the

    na māthe par shikan hotī na jab tevar badalte the

    ḳhudā bhī muskurā detā thā jab ham pyaar karte the

    yahīñ khetoñ meñ paanī ke kināre yaad hai ab bhī

    vo kyā aatā ki goyā daur meñ jām-e-sharāb aatā

    vo kyā aatā rañgīlī rāgnī rañgīñ raubāb aatā

    mujhe rañgīniyoñ meñ rañgne vo rañgīñ sahāb aatā

    laboñ mai pilāne jhūmtā mast shabāb aatā

    yahīñ khetoñ meñ paanī ke kināre yaad hai ab bhī

    hayā ke bojh se jab har qadam par laġhzisheñ hotīñ

    fazā meñ muntashir rañgīñ badan larzisheñ hotīñ

    raubāb-e-dil ke tāroñ meñ musalsal juñbisheñ hotīñ

    ḳhifā-e-rāz pur-lutf bāham koshisheñ hotīñ

    yahīñ khetoñ meñ paanī ke kināre yaad hai ab bhī

    bahe jaate the baiThe ishq ke zarrīñ safīne meñ

    tamannāoñ tūfāñ karvaTeñ letā thā siine meñ

    jo chhū letā maiñ us ko vo nahā jaatā pasīne meñ

    mai-e-do-ātisha ke se maze aate the jiine meñ

    yahīñ khetoñ meñ paanī ke kināre yaad hai ab bhī

    balā-e-fikr-e-fardā ham se kosoñ duur hotī thī

    surūr-e-sarmadī se zindagī ma.amūr hotī thī

    hamārī ḳhalvat-e-ma.asūm rashk-e-tūr hotī thī

    malak jhūlā jhulāte the ġhazal-ḳhvāñ huur hotī thī

    yahīñ khetoñ meñ paanī ke kināre yaad hai ab bhī

    na ab vo khet baaqī haiñ na vo āb-e-ravāñ baaqī

    magar is aish-e-rafta hai ik dhundlā nishāñ baaqī

    yahin ki thi mohabbat ke sabaq ki ibtida main ne

    yahin ki jurat-e-izhaar-e-harf-e-muddaa main ne

    yahin dekhe the ishwa-e-naz o andaz-e-haya main ne

    yahin pahle suni thi dil dhaDakne ki sada main ne

    yahin kheton mein pani ke kinare yaad hai ab bhi

    dilon mein azhdaham-e-arzu lab band rahte the

    nazar se guftugu hoti thi dam ulfat ka bharte the

    na mathe par shikan hoti na jab tewar badalte the

    KHuda bhi muskura deta tha jab hum pyar karte the

    yahin kheton mein pani ke kinare yaad hai ab bhi

    wo kya aata ki goya daur mein jam-e-sharab aata

    wo kya aata rangili ragni rangin raubab aata

    mujhe ranginiyon mein rangne wo rangin sahab aata

    labon ki mai pilane jhumta mast shabab aata

    yahin kheton mein pani ke kinare yaad hai ab bhi

    haya ke bojh se jab har qadam par laghzishen hotin

    faza mein muntashir rangin badan ki larzishen hotin

    raubab-e-dil ke taron mein musalsal junbishen hotin

    KHifa-e-raaz ki pur-lutf baham koshishen hotin

    yahin kheton mein pani ke kinare yaad hai ab bhi

    bahe jate the baiThe ishq ke zarrin safine mein

    tamannaon ka tufan karwaTen leta tha sine mein

    jo chhu leta main us ko wo naha jata pasine mein

    mai-e-do-atisha ke se maze aate the jine mein

    yahin kheton mein pani ke kinare yaad hai ab bhi

    bala-e-fikr-e-farda hum se koson dur hoti thi

    surur-e-sarmadi se zindagi mamur hoti thi

    hamari KHalwat-e-masum rashk-e-tur hoti thi

    malak jhula jhulate the ghazal-KHwan hur hoti thi

    yahin kheton mein pani ke kinare yaad hai ab bhi

    na ab wo khet baqi hain na wo aab-e-rawan baqi

    magar is aish-e-rafta ka hai ek dhundla nishan baqi

    Source :
    • Book : intekhab-e-sukhan (Pg. 123)
    • Author : Ibne Kanwal
    • Publication : Kitabi Duniya (2005-2008)
    • Edition : 2005-2008
    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY