udas mausam ke ratjagon mein

udaas mausam ke ratjagoñ meñ

har ek lamha bikhar gayā thā

har ek rasta badal gayā thā

phir aise mausam meñ kaun aa.e

koī to jaa.e

tire nagar kī masāfatoñ ko sameT laa.e

tirī galī meñ hamārī socheñ bikher aa.e

tujhe batā.e ki kaun kaise

uchhāltā hai vafā ke motī

tumhārī jānib koī to jaa.e

mirī zabāñ meñ tujhe bulā.e tujhe manā.e

hamārī hālat tujhe batā.e tujhe rulā.e

to apne dil ko bhī chain aa.e

udas mausam ke ratjagon mein

har ek lamha bikhar gaya tha

har ek rasta badal gaya tha

phir aise mausam mein kaun aae

koi to jae

tere nagar ki masafaton ko sameT lae

teri gali mein hamari sochen bikher aae

tujhe batae ki kaun kaise

uchhaalta hai wafa ke moti

tumhaari jaanib koi to jae

meri zaban mein tujhe bulae tujhe manae

hamari haalat tujhe batae tujhe rulae

to apne dil ko bhi chain aae