Font by Mehr Nastaliq Web

aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

ujala

MORE BYMustafa Zaidi

    merī hamdam, mire ḳhvāboñ sunahrī ta.abīr

    muskurā de ki mire ghar meñ ujālā ho jaa.e

    aañkh malte hue uTh jaa.e kiran bistar se

    sub.h vaqt zarā aur suhānā ho jaa.e

    mere nikhre hue gītoñ meñ tirā jaadū hai

    maiñ ne meyār-e-tasavvur se banāyā hai tujhe

    merī parvīn-e-taḳhayyul, mirī nasrīn-e-nigāh

    maiñ ne taqdīs ke phūloñ se sajāyā hai tujhe

    duudh tarah kuñvārī thī zamistāñ vo raat

    jab tire shabnamī aariz ne dahaknā sīkhā

    niiñd ke saa.e meñ har phuul ne añgḌā.ī

    narm kaliyoñ ne tire dam se chaTaknā sīkhā

    merī taḳh.īl jhankār ko sākit kar!

    chūḌiyāñ terī kalā.ī meñ khanak uThtī thiiñ

    uf mirī tishna-labī tishna-labī tishna-labī!

    kachchī kaliyāñ tire hoñToñ mahak uThtī thiiñ

    vaqt ke dast-e-girāñ-bār se māyūs na ho

    kis ko ma.alūm hai kyā honā hai aur kyā ho jaa.e

    merī hamdam, mire ḳhvāboñ sunahrī ta.abīr

    muskurā de ki mire ghar meñ ujālā ho jaa.e

    meri hamdam, mere KHwabon ki sunahri tabir

    muskura de ki mere ghar mein ujala ho jae

    aankh malte hue uTh jae kiran bistar se

    subh ka waqt zara aur suhana ho jae

    mere nikhre hue giton mein tera jadu hai

    main ne meyar-e-tasawwur se banaya hai tujhe

    meri parwin-e-taKHayyul, meri nasrin-e-nigah

    main ne taqdis ke phulon se sajaya hai tujhe

    dudh ki tarah kunwari thi zamistan ki wo raat

    jab tere shabnami aariz ne dahakna sikha

    nind ke sae mein har phul ne angDai li

    narm kaliyon ne tere dam se chaTakna sikha

    meri taKHil ki jhankar ko sakit pa kar!

    chuDiyan teri kalai mein khanak uThti thin

    uf meri tishna-labi tishna-labi tishna-labi!

    kachchi kaliyan tere honTon ki mahak uThti thin

    waqt ke dast-e-giran-bar se mayus na ho

    kis ko malum hai kya hona hai aur kya ho jae

    meri hamdam, mere KHwabon ki sunahri tabir

    muskura de ki mere ghar mein ujala ho jae

    Source :
    • Book : Kulliyat-e-Mustafa Zaidi(Roshni) (Pg. 84)
    • Author : Mustafa Zaidi
    • Publication : Alhamd Publications (2011)
    • Edition : 2011
    0
    COMMENTS
    VIEW COMMENTS VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Jashn-e-Rekhta | 8-9-10 December 2023 - Major Dhyan Chand National Stadium, Near India Gate - New Delhi

    GET YOUR PASS
    Speak Now