ummid

chashm-e-hairat meñ

zaḳhmoñ aur lāshoñ kā jo samundar

Thahar Thahar kar Darā rahā hai

maiñ us ke sāhil pe baiThe baiThe aane vaale logoñ kī ḳhātir

do chaar nazmeñ likh rahā huuñ

agar meñ aisā na karūñ to

mujhe batāo ki kyā karūñ maiñ

ahd-e-hāzir ke ḳhushk dāman

surḳh lāshoñ se bhar ga.e haiñ

agar kuchh is ke sivā bachā hai to bas mashīnoñ kā shor sā hai

fazā meñ dhuāñ ghulā huā hai

maiñ un fazāoñ meñ ghaT rahā huuñ

do chaar nazmeñ likh rahā huuñ

agar maiñ aisā na karūñ to

mujhe batāo ki kyā karūñ maiñ

mere azīzo mere rafīqo

aao mil kar jatan kareñ ye

ummīd kī lau baḌhā.e rakkheñ

hasīn mausamoñ kī āhaToñ par

kaan apnā lagā.e rakkheñ

ufuq pe nazreñ jamā.e rakkheñ

ummīd rakhnā

yahāñ se ek din nayā saverā

na.e ujāloñ ke saath ho kar

na.ī umañgoñ ke haath thāme

mausamoñ ko badal hī degā

kaan apnā lagā.e

ufuq pe nazreñ jamā.e rakhnā

chashm-e-hairat mein

zaKHmon aur lashon ka jo samundar

Thahar Thahar kar Dara raha hai

main us ke sahil pe baiThe baiThe aane wale logon ki KHatir

do chaar nazmen likh raha hun

agar mein aisa na karun to

mujhe batao ki kya karun main

ahd-e-hazir ke KHushk daman

surKH lashon se bhar gae hain

agar kuchh is ke siwa bacha hai to bas mashinon ka shor sa hai

faza mein dhuan ghula hua hai

main un fazaon mein ghaT raha hun

do chaar nazmen likh raha hun

agar main aisa na karun to

mujhe batao ki kya karun main

mere azizo mere rafiqo

aao mil kar jatan karen ye

ummid ki lau baDhae rakkhen

hasin mausamon ki aahaTon par

kan apna lagae rakkhen

ufuq pe nazren jamae rakkhen

ummid rakhna

yahan se ek din naya sawera

nae ujalon ke sath ho kar

nai umangon ke hath thame

mausamon ko badal hi dega

kan apna lagae

ufuq pe nazren jamae rakhna