aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

urdu

MORE BYAli Sardar Jafri

    hamārī pyārī zabān urdu

    hamārī naġhmoñ jaan urdu

    hasīn dilkash javān urdu

    zabān vo dhul ke jis ko gañgā ke jal se pākīzgī milī hai

    avadh ThanDī havā ke jhoñke se jis ke dil kalī khilī hai

    jo sher-o-naġhma ke ḳhuld-zāroñ meñ aaj koyal kūktī hai

    isī zabāñ meñ hamāre bachpan ne maaoñ se loriyāñ sunī haiñ

    javān ho kar isī zabāñ meñ kahāniyāñ ishq ne kahī haiñ

    isī zabāñ ko chamakte hīroñ se ilm jholiyāñ bharī haiñ

    isī zabāñ se vatan ke hoñToñ ne na.ara-e-inqilāb paayā

    isī se añgrez hukmarānoñ ne ḳhud-sarī javāb paayā

    isī se merī javāñ tamannā ne shā.erī rabāb paayā

    ye apne naġhmāt-e-pur-asar se diloñ ko bedār kar chukī hai

    ye apne na.aroñ fauj se dushmanoñ pe yalġhār kar chukī hai

    sitamgaroñ sitamgarī par hazār-hā vaar kar chukī hai

    koī batāo vo kaun moḌ hai jahāñ ham jhijak ga.e haiñ

    vo kaun razm-gāh hai jis meñ ahl-e-urdu dubak ga.e haiñ

    vo ham nahīñ haiñ jo baḌh ke maidāñ meñ aa.e hoñ aur ThiThak ga.e haiñ

    ye vo zabāñ hai ki jis ne zindāñ tīrgī meñ diye jalā.e

    ye vo zabāñ hai ki jis ke sho.aloñ se jal ga.e phāñsiyoñ ke saa.e

    farāz-e-dār-o-rasan se bhī ham ne sarfaroshī ke giit gaa.e

    kahā hai kis ne ham apne piyāre vatan meñ bhī be-vatan raheñge

    zabān chhin jā.egī hamāre dahan se ham be-suḳhan raheñge

    ham aaj bhī kal tarah dil ke sitār par naġhma-zan raheñge

    ye kaisī bād-e-bahār hai jis meñ shāḳh-e-urdu na phal sakegī

    vo kaisā rū-e-nigār hogā na zulf jis par machal sakegī

    hameñ vo āzādī chāhiye jis meñ dil miinā ubal sakegī

    hameñ ye haq hai ham apnī ḳhāk-e-vatan meñ apnā chaman sajā.eñ

    hamārī hai shāḳh-e-gul to phir kyuuñ na us pe ham āshiyāñ banā.eñ

    ham apne andāz aur apnī zabāñ meñ apne giit gaa.eñ

    kahāñ ho matvālo aao bazm-e-vatan meñ hai imtihāñ hamārā

    zabān zindagī se vābasta aaj suud o ziyāñ hamārā

    hamārī urdu rahegī baaqī agar hai hindostāñ hamārā

    chale haiñ gañg-o-jaman vaadī meñ ham havā-e-bahār ban kar

    himāliya se utar rahe haiñ tarāna-e-ābshār ban kar

    ravāñ haiñ hindostāñ rag rag meñ ḳhuun surḳh dhaar ban kar

    hamārī pyārī zabān urdu

    hamārī naġhmoñ jaan urdu

    hasīn, dilkash javān urdu

    hamari pyari zaban urdu

    hamari naghmon ki jaan urdu

    hasin dilkash jawan urdu

    zaban wo dhul ke jis ko ganga ke jal se pakizgi mili hai

    awadh ki ThanDi hawa ke jhonke se jis ke dil ki kali khili hai

    jo sher-o-naghma ke KHuld-zaron mein aaj koyal si kukti hai

    isi zaban mein hamare bachpan ne maon se loriyan suni hain

    jawan ho kar isi zaban mein kahaniyan ishq ne kahi hain

    isi zaban ko chamakte hiron se ilm ki jholiyan bhari hain

    isi zaban se watan ke honTon ne nara-e-inqilab paya

    isi se angrez hukmaranon ne KHud-sari ka jawab paya

    isi se meri jawan tamanna ne shaeri ka rabab paya

    ye apne naghmat-e-pur-asar se dilon ko bedar kar chuki hai

    ye apne naron ki fauj se dushmanon pe yalghaar kar chuki hai

    sitamgaron ki sitamgari par hazar-ha war kar chuki hai

    koi batao wo kaun sa moD hai jahan hum jhijak gae hain

    wo kaun si razm-gah hai jis mein ahl-e-urdu dubak gae hain

    wo hum nahin hain jo baDh ke maidan mein aae hon aur ThiThak gae hain

    ye wo zaban hai ki jis ne zindan ki tirgi mein diye jalae

    ye wo zaban hai ki jis ke shoalon se jal gae phansiyon ke sae

    faraaz-e-dar-o-rasan se bhi hum ne sarfaroshi ke git gae

    kaha hai kis ne hum apne piyare watan mein bhi be-watan rahenge

    zaban chhin jaegi hamare dahan se hum be-suKHan rahenge

    hum aaj bhi kal ki tarah dil ke sitar par naghma-zan rahenge

    ye kaisi baad-e-bahaar hai jis mein shaKH-e-urdu na phal sakegi

    wo kaisa ru-e-nigar hoga na zulf jis par machal sakegi

    hamein wo aazadi chahiye jis mein dil ki mina ubal sakegi

    hamein ye haq hai hum apni KHak-e-watan mein apna chaman sajaen

    hamari hai shaKH-e-gul to phir kyun na us pe hum aashiyan banaen

    hum apne andaz aur apni zaban mein apne git gaen

    kahan ho matwalo aao bazm-e-watan mein hai imtihan hamara

    zaban ki zindagi se wabasta aaj sud o ziyan hamara

    hamari urdu rahegi baqi agar hai hindostan hamara

    chale hain gang-o-jaman ki wadi mein hum hawa-e-bahaar ban kar

    himaliya se utar rahe hain tarana-e-abshaar ban kar

    rawan hain hindostan ki rag rag mein KHun ki surKH dhaar ban kar

    hamari pyari zaban urdu

    hamari naghmon ki jaan urdu

    hasin, dilkash jawan urdu

    Videos
    This video is playing from YouTube

    Videos
    This video is playing from YouTube

    Unknown

    Unknown

    Source:

    Ek Khvab aur (Pg. 122)

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Jashn-e-Rekhta | 8-9-10 December 2023 - Major Dhyan Chand National Stadium, Near India Gate - New Delhi

    GET YOUR PASS
    Speak Now