urdu ka janaza hai zara dhum se nikle

Rais Amrohvi

urdu ka janaza hai zara dhum se nikle

Rais Amrohvi

MORE BYRais Amrohvi

    INTERESTING FACT

    This poem was composed against the backdrop of the riots that took place in Pakistan, especially in Karachi over the Urdu language.

    kyuuñ jān-e-hazīñ ḳhatra-e-mauhūm se nikle

    kyuuñ nāla-e-hasrat dil-e-maġhmūm se nikle

    aañsū na kisī dīda-e-mazlūm se nikle

    kah do ki na shikva lab-e-maġhmūm se nikle

    urdu janāza hai zarā dhuum se nikle

    urdu ġham-e-marg subuk bhī hai garāñ bhī

    hai shāmil-e-arbāb-e-azā shāh-e-jahāñ bhī

    miTne ko hai aslāf azmat nishāñ bhī

    ye mayyat-e-ġham dehlī-e-marhūm se nikle

    urdu janāza hai zarā dhuum se nikle

    ai tāj-mahal naqsh-ba-dīvār ho ġham se

    ai qil.a-e-shāhī ye alam pūchh na ham se

    ai ḳhāk-e-avadh fā.eda kyā sharh-e-sitam se

    tahrīk ye misr-o-arab-o-rome se nikle

    urdu janāza hai zarā dhuum se nikle

    saaya ho jab urdu ke janāze pe 'valī'

    hoñ 'mīr-taqī' saath to hamrāh huuñ 'saudā'

    dafnā.eñ use 'mus.hafī'-o-'nāsiḳh'-o-'inshā'

    ye faal har ik daftar-e-manzūm se nikle

    urdu janāza hai zarā dhuum se nikle

    bad-zauq hai ahbāb se go zauq haiñ ranjūr

    urdu-e-muallā ke na mātam se raheñ duur

    talqīn sar-e-qabr paḌheñ momin-e-maġhfūr

    fariyād dil-e-'ġhālib'-e-marhūm se nikle

    urdu janāza hai zarā dhuum se nikle

    hai marsiyāñ-ḳhvāñ qaum haiñ urdu ke bahut kam

    kah do ki 'anīs' is likheñ marsiya-e-ġham

    jannat se 'dabīr' aa ke paḌheñ nauha-e-mātam

    ye chīḳh uThe dil se na hulqūm se nikle

    urdu janāza hai zarā dhuum se nikle

    is laash ko chupke se koī dafan na kar de

    pahle koī 'sirsayyad'-e-a.azam ko ḳhabar de

    vo mard-e-ḳhudā ham meñ na.ī ruuh to bhar de

    vo ruuh ki maujūd na ma.adūm se nikle

    urdu janāza hai zarā dhuum se nikle

    urdu ke janāze ye saj-dhaj ho nirālī

    saf-basta hoñ marhūma ke sab vāris-o-vālī

    'āzād'-o-'nazīr'-o-'sharar'-o-'shiblī'-o-'hālī'

    fariyād ye sab ke dil-e-maġhmūm se nikle

    urdu janāza hai zarā dhuum se nikle

    kyun jaan-e-hazin KHatra-e-mauhum se nikle

    kyun nala-e-hasrat dil-e-maghmum se nikle

    aansu na kisi dida-e-mazlum se nikle

    kah do ki na shikwa lab-e-maghmum se nikle

    urdu ka janaza hai zara dhum se nikle

    urdu ka gham-e-marg subuk bhi hai garan bhi

    hai shamil-e-arbab-e-aza shah-e-jahan bhi

    miTne ko hai aslaf ki azmat ka nishan bhi

    ye mayyat-e-gham dehli-e-marhum se nikle

    urdu ka janaza hai zara dhum se nikle

    ai taj-mahal naqsh-ba-diwar ho gham se

    ai qila-e-shahi ye alam puchh na hum se

    ai KHak-e-awadh faeda kya sharh-e-sitam se

    tahrik ye misr-o-arab-o-rome se nikle

    urdu ka janaza hai zara dhum se nikle

    saya ho jab urdu ke janaze pe 'wali' ka

    hon 'mir-taqi' sath to hamrah hun 'sauda'

    dafnaen use 'mushafi'-o-'nasiKH'-o-'insha'

    ye fal har ek daftar-e-manzum se nikle

    urdu ka janaza hai zara dhum se nikle

    bad-zauq hai ahbab se go zauq hain ranjur

    urdu-e-mualla ke na matam se rahen dur

    talqin sar-e-qabr paDhen momin-e-maghfur

    fariyaad dil-e-'ghaalib'-e-marhum se nikle

    urdu ka janaza hai zara dhum se nikle

    hai marsiyan-KHwan qaum hain urdu ke bahut kam

    kah do ki 'anis' is ka likhen marsiya-e-gham

    jannat se 'dabir' aa ke paDhen nauha-e-matam

    ye chiKH uThe dil se na hulqum se nikle

    urdu ka janaza hai zara dhum se nikle

    is lash ko chupke se koi dafan na kar de

    pahle koi 'sirsayyad'-e-azam ko KHabar de

    wo mard-e-KHuda hum mein nai ruh to bhar de

    wo ruh ki maujud na madum se nikle

    urdu ka janaza hai zara dhum se nikle

    urdu ke janaze ki ye saj-dhaj ho nirali

    saf-basta hon marhuma ke sab waris-o-wali

    'azad'-o-'nazir'-o-'sharar'-o-'shibli'-o-'haali'

    fariyaad ye sab ke dil-e-maghmum se nikle

    urdu ka janaza hai zara dhum se nikle

    Tagged Under :

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY