uski majburiyan

jo us kī majbūriyāñ thiiñ ham soñ se muḳhtalif thiiñ

havas use bhī 'azīz thī us ke jism meñ bhī

pakī huī jāmunoñ ke guchchhe the shahd kī makkhiyoñ kā chhattā thā

halkī mīThī nimboliyāñ thiiñ

Dhake-chhupe mandiroñ kī qurbān-gāh us ke shu'ūr meñ thī

vo chāhtī thī ki vo bhī kapḌoñ kī tarh dhul jaa.e aur nichuḌe

ki silvaToñ kī sapediyāñ thiiñ pasand us ko

vo gosht chuTkī se kāTtī thī ki zulm meñ lazzateñ nihāñ thiiñ

vo tez nāḳhūn zānuoñ se chubho ke niilī ḳharāsh par haat phertī thī

'alāmateñ chaa.e kī piyālī meñ shahd kī botaloñ meñ qalmoñ meñ DhūñDhtī thī

vo apnī bāñhoñ ko apne hoñToñ se chūstī thī

magar use ye ḳhabar thī taḳhlīq-kār be-dāġh vasl ko

sāriyāñ ki saa.e chhupā na paa.e

vo apnī majbūriyoñ ko āñkhoñ meñ bhar ke har raat kāTtī thī

hamārī majbūriyāñ hamāre palang tak thiiñ

hamārā ehsās us ke ehsās kī tarah thā

go us kī majbūriyāñ ham aisoñ se muḳhtalif thiiñ

jo us ki majburiyan thin hum son se muKHtalif thin

hawas use bhi 'aziz thi us ke jism mein bhi

paki hui jamunon ke guchchhe the shahd ki makkhiyon ka chhatta tha

halki miThi nimboliyan thin

Dhake-chhupe mandiron ki qurban-gah us ke shu'ur mein thi

wo chahti thi ki wo bhi kapDon ki tarh dhul jae aur nichuDe

ki silwaTon ki sapediyan thin pasand us ko

wo gosht chuTki se kaTti thi ki zulm mein lazzaten nihan thin

wo tez naKHun zanuon se chubho ke nili KHarash par hat pherti thi

'alamaten chae ki piyali mein shahd ki botalon mein qalmon mein DhunDhti thi

wo apni banhon ko apne honTon se chusti thi

magar use ye KHabar thi taKHliq-kar be-dagh wasl ko

sariyan ki sae chhupa na pae

wo apni majburiyon ko aankhon mein bhar ke har raat kaTti thi

hamari majburiyan hamare palang tak thin

hamara ehsas us ke ehsas ki tarah tha

go us ki majburiyan hum aison se muKHtalif thin